“SAMES Infrenta Krizi Ai-Moruk”

,

Jornal Nacional Diario - Segunda-Feira, 04 Marsu 2013 

Desde Fulan Dezembru 2012-Feveriru 2013 ne’e, instituisaun esrvisu Autonomo Medikamemntu no Ekipamentu saude (SAMES) infrenta krizi Ai-Moruk, tanba Ministeriu Saude (MS) tarde aloka orsamentu atu kompras ai-moruk. 

Maibe atu bele hetan autorizasaun husi governu par abele sosa fila fali aimoruk ne’ebe mak oras ne’e hotu ona, oras ne’e dadaun iha ona kompania balun mak aprezenta ona sira ninia pedidu ga proposta atu kompete iha prosesu tenderizasaun. 

Kompania hirak nee mak hanesan, PT Inti Sumber, PT ESCO, PT GMSS, PT Elfiks Boram, PT Surya Kasih, Istana Fharmacya, no mos Istana Farna, no Foho Osan Mean, ne’ebe ninia na’in mos ema importante iha Ministeriu Saude (MS). 

“Stok Aimoruk iha SAMES agora kontinua menus kuaze 90 itemes sa’e ba 120 items, tamba ne’e ami iha planu se karik iha Dezembru kotuk liu baa mi hola kedas 90 items, ita sei la hetan problemas aimoruk iha fulan janeiru ho Fevereiru ne’e nia laram,” informa Diretora SAMES Maria Freitas Belo ba JNDiario iha ninia servisu fatin, Kampung Alor, Dili, Sesta (1/3). 

Nia esklarese katak, pedidu barak husi Ospital ho sentru saude sira tama ba SAMES husu ai-moruk, maibe labele atende tanba item aimoruk ne’ebe sira husu la iha ona. Haree ba problema Item aimoruk ne’ebe laiha ona, SAMES hatama ona proposta dezde fulan janeiru, maibe foin hetan aprovasaun atu kontinua halo prosesu aprovizionamentu. 

Iha prosesu konkursu publiku ne’e, Maria Freitas Belo informa katak, kompania lokal ho internasional balun mak hatama ona dokumentu. 

Nia salienta tan katak, orsamentu ba SAMES nian ne’ebe agora dadaun aloka mai ona iha ne’e hamutuk ho montante U$800 mil foti $300 mill ba kapasitasaun rekursu humanus. “Ami aloka osan U$ 300 mil hodi kontinua kapasita funsionariu SAMES,” hateten Maria Freitas Belo. 

To’o Notisia ne’e fo sai, Jornal ne’e seidauk hetan klarifikasaun husi parte Ministeriu saude.

,