PR Taur Hala’o Inkontru ho Konsulares Esterior TL

.

Foto, Presidência da República - Facebook

Jornal Independente - Husi : Estajiariu - 06-03-2013 

Dili : Prezidente da Republika Taur Matan Ruak hala’o inkontru ho xefe Misaun dipolomatika no postu konsolares Esterior Timor-Leste,iha Palacio Prezidente,Aitarak Laran,Dili,horseik.

Tuir sekretáriu estadu ASEAN Roberto Sarmento de Oliveira Soares katak inkontru ne’e hanesan troka no simu mós instrusaun politiku ruma husi PR.

“Inkontru kortezia ne’e entre embaixadores ho PR hodi troka hanoin nune’e mós simu instrusaun liña politiku jerál esterna nian,” informa nia.

Nia hatutan, embasadores sira mós aprezenta kona-ba progresu husi nasaun ida-idak ne’ebé mak TL iha ba PR.

“Kuaze sira persepsaun ne’ebé hato’o ne’e pozitivu tebes,kona-ba prosesu dezenvolvimentu ita nia nasaun nian durante tinan 10 nia laran,” reafirma Roberto.

Nia dehan, PR resposta pozitivu tebes kada papel ho funsaun ne’ebé mak embaxador ida-idak hala’o.
“Prezidenti iha ninia konfiansa tomak ba embaixadór nia serbisu, no PR aprezenta ninia an nafatin atu konta ho embaxadór sira nia serbisu, hodi bele lori ita nia rai nia imazem,no reputasaun ho kredibilidade internasiona,” hatutan nia.

Aleinde ne’e, sekretáriu estadu ASEAN Roberto mós informa,TL dadaun ne’e iha embaxada 27 kompostu mós ho konsulares sira, no tinan ne’e sei loke tan embaixada rua hodi bele hatutan Politika iha nivel Internasional.

“Tinan ne’e ita sei loke tan Embaixada rua iha Inlaterra ho Nova Zelandia atu kontinua hatutan ita nia politika iha Nivel internasional,” hateten Roberto.

.