Polisia Taka Dalan, CPD-RDTL Amiasa Hamlaha

.

SUARA TIMOR LOROSAE - Kuarta, 13 Marsu 2013 

DILI—Lider CPD-RDTL, Antonio Aitahan Matak ho Vise Primeiru Ministru (PM), Fernando La Sama de Arauju halo inkontru iha Palasiu Governu, hodi buka solusaun hodi resolve problema CPD-RDTL ne’ebe agora hetan amiasa hamlaha tanba Polisia taka dalan. 

“Ami koalia kona ba oinsa maka, atu fo solusaun ba iha situasaun. Ema hamlaha ona iha ne’eba, polisia sira iha ne’eba susuk tata hotu ona, ne’eduni ami tenke fo solusaun ba ida ne’e,” hatete La Sama bainhira remata tiha inkontru ho lider CPD-RDTL, iha Palacio Governu, Kuarta (13/3). 

Nia informa tan katak, governu agora dadauk kria ona komisaun ida, ne’ebe sei lidera husi Ministeriu Komersiu Industria no Ambiente (MCIA), inklui mos komisaun ida husi CPD-RDTL rasik atu oinsa bele resolve lalais problema Fatuberliu. Iha fatin hanesan, Koodenador Jeral CPD-RDTL, Antonio Aitahan Matak, hatete mos katak nia pronto atu simu desizaun ne’ebe mai husi Vise Primeiru Ministru, Fernando La sama de Araujo. 

Maibe ho desizaun ne’ebe ida sira sei ba koalia hamutuk ho ninia membru CPD-RDTL iha Welaluhu, Fatuberliu kona ba rezultadu inkontru ida ne’e. Informasaun kompletu iha STL Jornal no STL Web, edisaun Kinta (14/3). Oscar Salsinha 

,