Jornal Independente - Husi: Raimundos Oki - 05-03-2013
DILI: Konsellu Ministrus hasai ona rezolusaun
ida ba Polisia Nasionál Timor-Leste (PNTL) hodi hapara atividade grupu
CPD-RDTL iha Welaluhu, Sub-distritu Fatuberliu, distritu Manufahi.
Komandante Jerál PNTL, Komisariu Longuinhos Monteiro hatete, governu husu ona instituisaun PNTL liu husi karta rezolusaun konsellu ministrus atu ezekuta mandatu finalidade ba atividade CPD-RDTL iha Welaluhu.
Komandante jerál PNTL simu karta rezolusaun ne’e iha loron 25 fulan-Fevereiru foin lalais. Iha rezolusaun ne’e governu husu ba PNTL atu hola medidas nesesariu ba atividade CPD-RDTL ne’ebé halo okupasaun illegal ba komunidade nia rain.
Iha mandatu ne’e, primeiru asaun PNTL hasoru CPD mak sei halo aproximasaun, segundu mak hasai obrigatóriu, ikus mak sei uza forsa hasoru wainhira iha asaun fiziku hasoru PNTL.
“Ami sei uja meius oin-oin hodi hasai CPD-RDTL husi sira nia fatin konsentrasaun. Primeiru mak halo aproximasaun ba sira depois hasai obrigatoriu, maibe kuandu mosu eziste asaun kontra hasoru membru polisia ida mak rezolusaun governu nian permite polisia hodi uja forsa, maibé kuandu laiha entaun polisia mós sei la uja forsa hasoru sira,” dehan komisariu Long iha konferensia imprensa iha Kuartel PNTL, Caicoli Dili, Segunda horseik.
Iha rezolusaun ne’e mós husu ba PNTL atu halo prevensaun ba kauza saida de’it mak karik sei mosu iha terenu labele fó ameasa ba komunidade.
Nune’e, PNTL hala’o ona aproximasaun ho lider lokal no komunidade iha Velaluhu antes ezekuta rezolusaun ne’e.
“Ho kestaun ne’e ha’u hakarak informa katak, antes rezolusaun ne’e mosu mós polisia hala’o ona nia asaun preparasaun iha terenu nu’udar atividade normal polisia nian,”dehan Long.
Bazeia ba rezolusaun ne’e, komandante PNTL koloka ona ekipa ida husi Unidade Espesial Polisia (UEP) ba iha Fatuberliu hodi identifika no halo aproximasaun ho komunidade antes ezekuta rezolusaun governu nian.
“Agora ami foin mak hahu halo pasa revista ba ema hotu iha bareiras ne’ebé mak tama iha atividade polisia nian ho nia objetivu hodi bele hapara kualker atividade no movimentus husi grupu CPD-RDTL no ema se de’it mak iha ligasaun ho grupu ne’e hodi ba Welaluhu. Liu-liu sira ne’ebé halo viajen husi Dili ba Welaluhu, sei hetan pasa revista,”hateten Longuinhos.
Iha asaun primeiru halo pasa revista mak CPD-RDTL hatudu sira nia kolaborasaun di’ak hodi ida-idak fila ba nia distritus. Komandante ne’e dehan PNTL sei prepara transporte hodi lori sira ba ida-idak nia hela fatin.
Oras ne’e dadauk PNTL establese ona postu observasaun hamutuk 8 iha Welaluhu. Tempu ezekusaun ne’e hahú ona horseik.
Iha parte seluk, Vise-Primeiru-Ministru Fernando La Sama de Araújo hatete, rezolusaun ne’ebé governu hasai ho intensaun atu lori dame no pás ba povu sira iha distritu Manufahi liu-liu populasaun sira iha Welaluhu ne’ebé durante ne’e moris iha traumatizadu nia laran husi hahalok CPD-RDTL nian.
Komandante Jerál PNTL, Komisariu Longuinhos Monteiro hatete, governu husu ona instituisaun PNTL liu husi karta rezolusaun konsellu ministrus atu ezekuta mandatu finalidade ba atividade CPD-RDTL iha Welaluhu.
Komandante jerál PNTL simu karta rezolusaun ne’e iha loron 25 fulan-Fevereiru foin lalais. Iha rezolusaun ne’e governu husu ba PNTL atu hola medidas nesesariu ba atividade CPD-RDTL ne’ebé halo okupasaun illegal ba komunidade nia rain.
Iha mandatu ne’e, primeiru asaun PNTL hasoru CPD mak sei halo aproximasaun, segundu mak hasai obrigatóriu, ikus mak sei uza forsa hasoru wainhira iha asaun fiziku hasoru PNTL.
“Ami sei uja meius oin-oin hodi hasai CPD-RDTL husi sira nia fatin konsentrasaun. Primeiru mak halo aproximasaun ba sira depois hasai obrigatoriu, maibe kuandu mosu eziste asaun kontra hasoru membru polisia ida mak rezolusaun governu nian permite polisia hodi uja forsa, maibé kuandu laiha entaun polisia mós sei la uja forsa hasoru sira,” dehan komisariu Long iha konferensia imprensa iha Kuartel PNTL, Caicoli Dili, Segunda horseik.
Iha rezolusaun ne’e mós husu ba PNTL atu halo prevensaun ba kauza saida de’it mak karik sei mosu iha terenu labele fó ameasa ba komunidade.
Nune’e, PNTL hala’o ona aproximasaun ho lider lokal no komunidade iha Velaluhu antes ezekuta rezolusaun ne’e.
“Ho kestaun ne’e ha’u hakarak informa katak, antes rezolusaun ne’e mosu mós polisia hala’o ona nia asaun preparasaun iha terenu nu’udar atividade normal polisia nian,”dehan Long.
Bazeia ba rezolusaun ne’e, komandante PNTL koloka ona ekipa ida husi Unidade Espesial Polisia (UEP) ba iha Fatuberliu hodi identifika no halo aproximasaun ho komunidade antes ezekuta rezolusaun governu nian.
“Agora ami foin mak hahu halo pasa revista ba ema hotu iha bareiras ne’ebé mak tama iha atividade polisia nian ho nia objetivu hodi bele hapara kualker atividade no movimentus husi grupu CPD-RDTL no ema se de’it mak iha ligasaun ho grupu ne’e hodi ba Welaluhu. Liu-liu sira ne’ebé halo viajen husi Dili ba Welaluhu, sei hetan pasa revista,”hateten Longuinhos.
Iha asaun primeiru halo pasa revista mak CPD-RDTL hatudu sira nia kolaborasaun di’ak hodi ida-idak fila ba nia distritus. Komandante ne’e dehan PNTL sei prepara transporte hodi lori sira ba ida-idak nia hela fatin.
Oras ne’e dadauk PNTL establese ona postu observasaun hamutuk 8 iha Welaluhu. Tempu ezekusaun ne’e hahú ona horseik.
Iha parte seluk, Vise-Primeiru-Ministru Fernando La Sama de Araújo hatete, rezolusaun ne’ebé governu hasai ho intensaun atu lori dame no pás ba povu sira iha distritu Manufahi liu-liu populasaun sira iha Welaluhu ne’ebé durante ne’e moris iha traumatizadu nia laran husi hahalok CPD-RDTL nian.
,
Sem comentários:
Enviar um comentário
Nota: só um membro deste blogue pode publicar um comentário.