“Lucia Lobato: Nasaun Demokratiku TL Juis Labele Iha Fali Lei Nia Leten”

,

Notisia Husi TVTL - Segunda-Kalan, 04 Marsu 2013 

Konseleiru Superior Mazestratura Judisial bolu Prizioneira Lucia Lobato hodi hato’o deklarasaun kona ba rekursu ne’ebe durante ne’e hato’o ba Tribunal de Rekursu, enkontru ne’e prejidi husi Prezidenti Tribunal Rekursu Claudio Ximenes akompania ho Jusi koletiva nain 5. 

Konseleiru Superior Mazetratura judicial segunda feira ne’e bolu Prizioneira Lucia Lobato ba hato’o deklarasaun iha Tribunal rekursu kona ba rekursu ne’ebe durante ne’e hatama, ne’ebe deskonfia Juis la iha inparsialidade no reklara injustica ba nia. Lucia Lobato hafoin hato’o deklarasaun hateten katak, nia parte senti kontenti tanba Tribunal Rekursu sei fo oportunidade ba nia atu hato’o deklarasaun, relasiona ba desizaun balun ne’ebe tuir nia la justu. 

“Hau kontenti tamba hau hetan oportunidade ida ne’e, konsege hata’an duni bah au nia karta, hau mai presta informasoens iha ne’e, hikus mai sira promete ba hau katak, itempo badak mai sira sei bolu fali hau mai atu koalia kona ba kestaun ne’e, se karik to’o semana ooin mak sira la bolu, hau rasik sei konvoka media hour ba iha hau nia fatin, hau rasik mak sei publika ba publiku saida maka akontese iha hau nia prosesu, hau kontnua depozita konfiansa iha Tribunais, hau fiar nafatin katak, ita nia tribunais sira sei foti justica ida diak, justu no imparsial ba ema hotu-hotu katak, ita nia rai Timor Leste ne’e tenki sai nafatin estadu de dereitu demokratiku iha labele sai fali estadu dejuis, ne’e signifika katak, juis iha fali lei nia leten, ne’e la’e,” dehan Lucia Lobato. 

Enkontru ne’ebe hala’o durante oras ida nia laran, Prezidenti Tribunal de Rekursu Dr. Claudio Ximenes hateten katak, enkontru refere sei hata’o ba publiku, wainhira tama ona ba iha diliberasaun. 

“Konserteza Dra. Lucia Lobato mai iha ne’e, mais laiha tan buat ida atu dehan kona ba reuniaun ida ne’e, tamba buat ida ne’e hanesan reuniaun privada, taka ba ema hotu-hotu, ne’ebe labele tan dehan buat ida kona ba saida mak koalia iha ne’eba, siginifika labele dehan kona ba rekursu ka kona ba buat seluk, signifika mos laiha deklarasaun kona ba buat ida, depois kuandu to’o loron imi (joenalista) mos bele hatene mais agora ne’e hanesan reuniaun,” dehan Caludio Ximenes. 

Prizioneira Lucia Lobato durante semana ida halo tratamentu saude iha Ospital Nasional Guido Valadares no oras ne’e saude prizioneira hahu rekopera maibe sei nafatin halo tratamentu. 

Hafoin hato’o deklarasaun iha Tribunal Rekursu Prizioneira Lucia Lobato hakompania husi Guarda Prizionais lori kedas ba prizaun Gleno. 

,