Lidera Zona Ekonomia Livre “Alkatiri La Manan Osan Husi Estadu”

.

Jornal Nacional Diario - Tersa-feira, 05 Marsu 2013 

Reprezetante Povu husi bankada Parlamentar FRETILIN, Estanislau da Silva informa katak, Sekretariu Jeral Partidu FRETILIN Mari Alkatiri reprezenta Timor-Leste ba zona ekonomia livre iha comunidade paises lingua Portuguesa (CPLP), la manan osan husi estadu Timor Leste. 

Deputadu Estanislau hatutan, Alkatiri ba CPLP ne’e, Fundasaun Lusitania mak fihir nia, no Estadu Timor Leste fo apoiu de’it, laos dehan katak estadu Timor mak foti nia. 

“Osan ne’e laos ba fali Mari atu manan fali, Mari simu deit nia osan ida be titular ne’e de’it, keta inventa istoria oioinfali dehan, Mari manan osan Estadu nian,” Sublinha Estanislau da Silva ba JNDiario (04/3) iha Parlamentu Nasional. 

Estanislau dehan tan katak, Fundasaun Lusitania mak hanoin atu halo dezenvolvimentu no investimentu iha Timor laran, entaun Estadu Timor Leste mos tenki hatama osan balun mas osan ne’e laos ba Mari Alkatiri nia bolsu. 

Nia esplika, osan ne’ebe atu fo ba ne’e atu halo estudu, no estudu ne’e laos Alkatiri mesak de’it, maibe sira sei forma ekipa ida atu bele hala’o estudu husi Atauro ba to’o Oecusse. 

“Sira halo estudu ne’e kona ba oinsa mak atu estabelese reijaun especial ekonomia Oecusse,” tenik Estanislau. 

Iha sorin seluk, Deputadu FRETILIN, Inacio Moreira hateten, iha estudu ne’ebe halo ne’e nu’udar projeitu pilotu ida zona especial ekonomia social ba atu halakon kiak iha TL, no Primeiru Ministru Kay Rala Xanana Gusmao mos foti ona desizaun katak, projeitu pilotu ne’e sei hahu uluk iha Distritu Oecusse. Tuir Inacio, ho Orsamentu ne’ebe estadu apoiu ne’e U$ miliaun ida, no osan ne’e iha gabineti Konsellu Ministru, osan ne’e laos tau iha Alkatiri ninia konta. 

 “Ha’u hakarak garante katak, sei iha akontabilidade, sei iha taransparensia ne’ebe diak liu tanba, Dr. Alkatiri iha ninia responsablidade esperensia,” dehan nia. 

,