Lei KS Importante Ba Jornalista Sira

.

Jornal Independente - Husi : Estajiariu José - 06-03-2013 

DILI : Lei komunikasaun sosial ba jornalsita sira ne’e importante loos ba jornalsita atu bele servisu ho profesionalizmu no responsabilidade.

Tuir vise prezidente PN Aderito Hugo hateten, ita boot sira hatete nasaun ne’e livre tebetebes fo garantia ba liberdade imprensa liberdade edukasaun liberdade asesu ba imnformasaun no liberdade husi publiku atu hatete informasaun ne’e ho loloos, hateten Aderito ba INDEPENDENTE iha PN tersa (05/03).

Papel media nian ne’e importante tebes maibe ita boot iha liberdade ne’e mos iha responsabilidade, iha liberdade ne’e garantia ema seluk nia liberdade tan ne’e mak maske ita hatete katak servisu jornalista ne’e livre maibe liberdade iha responsabilidade. 

“Kuandu produ ne’ebe ita halo efeitu ba ema seluk iha nia liberdade mos ema mos iha direitu atu halo prosesu ba jornalista sira, ida ne’e mos ita labele bandu maske ita halako tiha ona buat ida kriminaliza defamasaun ne’e Iha ita nia kodigu penal ” Hugo hatutan.

Ita la bandu ema atu lori jornalista ou media ba tribunal tanba ida ne’e mos direitu ema nian, ema ne’ebe sente injustu injustisa husi publikasaun jornal, radio, TV direitu jornalsita nian loos maibe direitu husi terseira parte ida ne’ebe sente impaktu husi publiksaun media ruma ne’e hanesan injustisa ida.

Laos ita atu traba ema atu labele lori media ba tribunal, se karik iha kondisoens atu halo media fora husi tribunal tan ne’e mak husu esbosu lei komunikasaun lalais ona para bele hanesan iha fatin seluseluk konsellu da imprensa, Hugo hatutan.

“konsellu imprensa iha ona sei impektu publikasaun ruma husi pribadi ou grupus la presija lori ba tribunal maibe lori ba iha konsellu imprensa hodi halo mediasaun entre parte rua ne’e bele rezolve, se parte ida hakarak ba tribunal maske ba ona konsellu imprensa labele trava ema nia direitu”
Aban bairua ita iha ona lei komunikasaun sosial defini ona kona-ba jornalista nia servisu, konsellu imprensa mais sira bele halo mediasaun ba parte rua ne’ebe iha problema se sira konkorda hotu hodi liu husi dalan mediasaun, hateten Hugo.

Ida ne’e la hamate demokrasia iha timor leste justru ida ne’e haforsa liutan servisu jornalista nian atu bele profesional liutan no iha responsabilidade liutan, liberdade jornalista nian ne’e universal maibe regras ne’ebe jornalista hotuhotu tenke hakruuk ba nia kodigu etika rasik.

“Media labele halo bareira ba media rasik tamba media mak sai hanesan kontrolu sosial se ema ruma media kee nia sala sira to’o abut sira sai ne’e mak media labele halo liña regra atu halo kobertura” Hugo hatutan.

,