Konsellu Ministru Desidi Hasai Rezolusaun Governu “PNTL Foti Medidas Hasoru Grupu CPD-RDTL”

.

Notisia Husi TVTL - Segunda-Kalan, 04 Marsu 2013 

Polisia Nasional Timor Leste (PNTL) foti medidas hasoru ejistensia grupu CPD-RDTL iha Welaluhu, desizaun ne’e foti bazeia ba rejolusaun ne’ebe hatu’un husi Konsellu Ministru. 

Komisariu PNTL Longuinhos Monteiro iha Konferensia da imprensa, iha Kuartel Jeral Kaikoli, Dili hateten katak, PNTL foti medidas sira ne’e ho objetivu hodi hatu’ur entregridade estadu nian no atu hapara okupsaun rai illegal. 

“Liu husi konsellu Ministru extra-ordinaria ninia sesaun ida, desidi hodi hasai rejolusaun governu nian kona ba situasaun okupasaun terenu no mos atividades kona ba pratika no komportamentus balun ke hala’o husi grupu ou individus husi grupus CPD-RDTL nian iha Same, i tuir mandatu rejolusaun governu refere husu para Polisis nasional Timor Leste bele hola medidas, ida ne’e maka nesesariu para atu bele hapara katividades ne’ebe maka relasiona ho okupasaun illegal ba rai, nune’e mos atu halo prevensaun nesesariu ba kauza saida de’it mak bele mosu, karik iha terenu, i prejudika komunidade,” deklara Longuinhos Monteiro. PNTL halo check point iha bareiras hotu ne’ebe identifika ona hanesan dalan ba membrus husi grupu CPD-

RDTL, maibe PNTL sei la uza forca, karik laiha rezistensia ruma hasoru membru PNTL nian. “Hau fo ona orientasaun ba membru sira iha terenu, uza meus sei la utiliza armas arbiru, karik laiha rezistensia hasoru membrus Polisia ke bele agrava fizikamente ninia seguransa, ninia integradu iha terenu, ou halo rezistensia ida hasoru desizaun ida ke tamba ona iha faze ba ezekusaun final iha terenu, portantu ita la’o tuir situasaun normal, imi hateten polisia nia kna’ar entermus de jeral ne’e halo nusa? 

Labele haree de’it ba tendensia negativu maibe ba ho objetivu ida, objetivu ida ke tenta uza meus hotu-hotu, para depois ita konvense malu hodi bele okupa area ne’eba mai, to’o agora ida ne’e maka ami nia orientasaun prinsipal, meus uza forsa sei la uza,” dehan Longuinhos Monteiro. 

 Longuinhos Monteiro mos rejeita ba informasaun ne’ebe espailha iha publiku katak, PNTL baku membru CPD-RDT

.