Kompania La Selu Gaji ke-13; “Staf Servisu Limpreza HNGV Ameasa Halo Greve”

.

Jornal Nacional Diario - Tersa-feira, 05 Marsu 2013 

Staf servisu lavandaria ho limpeza jeral iha Hospital Nasional Guido Valadares (HNGV) ameasa sei halo greve hasoru kompania ASMATETE tanba inkonsistente la selu sira nia, ‘annual live, maternity live’, ho salariu fulan 13 nian (gaji ke-13). 

Staf sira mos halo keixa ba Ministeriu saude (MS) ho Secretariu Estado Politika Formasaun Profesional no empregu (SEPFOPE) atu bele halo intervensaun direita ba problema ne’ebe sira infrenta. 

“Ami fo tempu to’o loron 15 fulan marsu ne’e, atu kompania ASMATETE bele selu ami nia ‘annual live, maternity live’ ho gaji ke-13, ami sei halo greve total iha HNGV,” afirma Felomena Pereira, nuudar Portavoz Staf limpeza jeral ho lavandaria iha HNGV, segunda (4/3). 

Ba ameasa ida ne’e, Manajer ASMATETE, Maria da Gloria esklarese katak, staf sira mak lakohi ba simu sira nia salariu fulan rua nian, tanba sira ezizi fali katak, enke selu gazi ke-13 ho fulanr ua nia ne’e dala ida de’it, maibe iha kontratu laran, Ministeriu saude la preve salariu ba gaji ke-13 nian, maibe kompania mak desidi fo bonus ba staf sira no hasa’e sira nia salariu husi U$115 ba U$131/ema. 

 Ho problema sira ne’e, Director jeral HNGV, Domingos da silva bolu ona staf limpeza jeral ho kompania ASMATETE atu buka solusaun hamutuk ba asuntu balun ne’ebe sei pendente. 

Kona ba ameasa greve ne’ebe staf sira sei halo ba kompania ASMATETE, Director jeral Domingos da Silva sublinha katak, kestaun ida ne’e kompetensia ASMATETE nian, basa pagamentu ne’ebe ASMATETE halo ba STAF bazeia ba kontratu.

,