Jil Alves Livre Akuzasaun Krime Burla- Pekulatu Agravadu

,

SUARA TIMOR LOROSAE - Kinta, 21 Marsu 2013 

DILI- Eis Sekretariu Jeral Partidu Asosiasaun Sosial Demokrata Timorense (ASDT) Jil da Costa Alves ho nia Diretor Finansas Henrique Carlos iha Pardu ASDT nebe deskonfia komete krime Burla Agravadu ho pekulatu Agravadu inklui Abuju Konfiansa, tribunal Distrital Dili Aboslve. 

Julgamentu kazu ne’e kompostu husi juis kolektivo ne’ebe dirije husi, Juis Jose Maria de Araujo, Duarte Tilman Soares, no akompanha husi Paulo Texeira, Ministeriu Publik, reprezenta husi prokurador Jose Ximenes, no arguido nain rua hetan asistensia legal husi advogadu privadu Jose Manuel Gomes Guterres kaju ne’e rejistu iha Tribunal ho numeru prosesu 536/2012/TDD. 

Tribunal Absolve kazu tolu ba arguidu tamba arguidu nain rua foti osan partidu nian hodi halo aktividade partidu iha loron 29 no 31 Maiu 2012, maske iha loron 28 Maiu 2012 Tribunal Rekursu fo sai desijaun katak Pastidu ASDT Versaun Joao Correia mak iha direitu maibe iha loron ne’e Jil Alves halo rekursu ba levantamentu osan Partidu nian Tribunal Rekursu. 

Arguidu nain rua iha dever hanesan Sekretariu Zeral no Prezidenti Interinu partidu antes Tribunal Rekursu fo sai Desijaun ba rekursu nebe ASDT Versaun Jil Alves hatama, arguidu nain hanesan militante bai-bain hafoin desijaun nota Tranjitu enjulgadu husi Tribunal Rekursu. 

.