“Governu La Seriu Rezolve Tratadu CMATS”

.

Jornal Timor Post - Sesta-feira, 01 Marsu 2013 

Primeiru Ministru (PM) Kay Rala Xanana Gusmao hateten, wainhira nasaun frazil sira hakarak atinji mehi husi objetivu Milenium Development Goals (MDG) ne’ebe lidera husi nasaun 180 resin, importante mak nasaun frazil sira tenki sain ain ba mehi sira ne’e. 

“Hahu agora ita (nasaun frazil) sira mak tenki lidera diretamente no tau matan diretamente ba frazilidade ne’ebe ita nia nasaun infrenta,” deklara Xanana ba asembleia tomak wainhira ensera enkontru G7+ ne’ebe partisipa husi nasaun 48 iha Cenru Convensoens Dili (CCD), kinta (28/2). 

Xanana hateten, dezenvolvimentu nasaun atu lao diak tenke envolve mos sosiedade sivil sira, maibe tenki garante katak dezenvolvimentu laos ba ema hotu, maibe ema hotu mak tenki hola parte iha dezenvolvimentu ne’e. 

Inkontru G7+ ne’e, tuir Xanana katak, diak liu ba nasaun frazil sira, tanba liu husi enkontru hirak ne’e mak bele atinji mehi ida atu sain ain ba prosesu sira ne’e. 

“Mai ita hotu hamutuk, tanba husi dalan amizade mak ita sei hetan resposta no ita hamutuk mak sei sai boot ba beibeik, ita mak mundu ne’ebe foun,” dehan Xanana ba partisipante sira. 

Iha oportunidade ne’e, Xanana hateten liu husi inkontru G7+ ne’e, espera nasaun PALOP nian, liu-liu ba membrus governu husi hasaun G7+ bele hametin diak liu tan lasu amizade. 

“Agradese mos ba ita nia belun nasaun illa pasifiku sira, prezidenti Kiribati no Primeiru Ministru Solomaun island nian, inklui mos reprejetante husi nasaun vizinu sira neebe fo sira nia tempo tomak hodi partisipa iha inkontru ne’e no sai mos panelista hodi fahe mos esperensia sira nian ba ita,” dehan xanana iha serimonia enseramentu ne’e.

.