Ema Deskonesidu Sunu Edifisiu Eskola Farol

.

SUARA TIMOR LOROSAE - Sesta, 01 Marsu 2013 

Dili-Ema deskuinsidu sunu edificio eskola basico Farol. Husi akontesemtnu nee resulta sasan hanesan farda, roupa desportu, livrus, vidru no sasan sira seluk ahi han hotu. 

Inspector Escola Basico Bento Tilman hateten eskola nee ema sunu sira mos la hatene maibe, sira hetan fali informasuna husi komunidade sira. 

“ Hau sente triste tebes tamba eskola nee hanesan fatin atu buka matenek no Governu halo esforsu hodi fo tulun liu husi apoiu oi-oin, maibe ohin hare ba ema balun hakarak sunu hodi estraga fali sasan hirak nee,” hateten Bento. 

Adjunto Diretor Escola Basico Farol Nicolao Ximenes hateten wainhira akontese seguransa eskola nee telefone kedas ba nia. Nune’e mos seguransa eskola Jose Martinho Quelo hateten durante fo seguransa ba eskola nee la diskunfia ema ruma. Lucas da Costa 

.