CPD-RDTL Husu Estudante Lalika Fo Sai Ameasa Baratu

,

Suara Timor Lorosae - Sesta, 01 Marsu 2013 

Dili- Conselho Popular Demokratiku da Republika Demokratika de Timor Leste (CPD-RDTL) husu ba klibur estudante Fatuberlihu atu lalika halo ameasa malu ho liafuan baratu, tanba tempu agora atu kria stabilidade iha nasuan ida nee. 

Deklarasuan nee Gil Ferdes nudar porta voz CPD-RDTL liu husi konfrensia ne’ebe halao iha sede CPD-RDTL Balide Sesta (1/3). 

Tuir Gil katak iha nasaun ida ne’e ema hotu iha ninia liberdade, ho nune lalika atu ameasa malu ho liafuan Baratu. 

“ Ami husu ba imi ho nia grupu sira atu lalika ameasa malu ho liafuan baratu kona ba fakar ran, tanba tempu ba fakar ran liu tiha ona, CPD-RDTL nia prezensa iha Welaluhu laos atu buka violensia, maibe atu halo kooperativa nasional, ho atensaun bo’ot ba republika tasi mane ne’ebe iha tinan balun liu ba moris iha fatin ne’e ka ho matan mos ba fatin hirak ne’ebe uluk sai knuk ba timor oan balun ne’ebe halo dezentralizasaun ba rdtl iha tinan 2006 ho liafuan loro sae no loro monu,” dehan Gul. 

Gil mos husu ba estudante Fatuberlihu atu lalika ameasa malu tanba nudar povu maubere, lalika ameasa no akuza malu arbiru maibe diak liu reforsa, ho aumenta inklui habelar deit hodi hametin rdtl nian soberanu ekonomika ka liberta povu doben maubere husi hamlaha, kiak no mukit. Natalia Monis/Lucas da Costa 

.