“Aviaun Balun Halo Operasaun Laiha Kondisaun”

.

Jornal Independentec - Sesta-feira, 08 Marsu 2013 

Vice Ministru Transporte no Telkomunikasaun (MTT) Flavio Cardozu Neves preokupa tebes aviaun sira ne’ebe mak halo operasaun iha Timor Leste balun kondisaun ladiak. 

“Agora hau haree hanesan (Aviaun) Merpati ita selu makas maibe nia palayanan hanesan dometika fali,” dehan Flavio iha edifisiu MNE horseik. Flavio dehan, iha kompania barak hakarak sira nia aviaun halo operasaun iha Timor Leste maibe sira la priense criteria. 

Tanba ne’e, Flavio dehan, MTT iha ona politika atu haree kompania Aviaun sira ne’ebe hakarak halo operasaun iha TL tenki Priense criteria. “Sira labele konsidera nasaun Timor Leste ne’e hanesan illa ida iha Indoensia, Aviaun ida ne’ebe maka husi Indonesia ou Singapura nia atu mai (halo operasaun) tenki konsidera Aviaun ida mai ne’e tenki aviaun estandarte internasional laos estandarte domistika,” dehan Flavio. 

Durante ne’e, Flavio dehan, iha lamentasaun barak husi pasaseirus ne’ebe mak uza aviaun mai Timor Leste katak, laiha tratamentu ida neebe ke diak.

,