“Xanana-Mari Simu Medalla Ba Paz”

.

Jornal Timor Post - Segunda-feira, 11 Fevereiru 2013 

Primeiru Ministru Kay Rala xanana Gusmao no Eis Primeiru Ministru Mari Alkatiri simu medalla kondekorasaun husi delegasaun Sri Chimmoy hodi hametin liu-tan Paz iha Timor-Leste. 

Sri Chimmoy hanesan badaen ba paz nian iha mundu ne’e, intrega mos medalla kondekorasaun ba Primeiru Ministru kay Rala xanana Gusmao ho Eis Primeiru Ministru Dr. Mari Alkatiri ne’ebe intrega idreta husi delegasaun Sri Chimmoy husi nasaun 8. 

 “Hau paresia ho eneventu paz ida ne’ebe hahu ho kostura foun iha relasiona ho politika entre autores politiku hotu-hotu, ne’ebe hahu kedas iha Parlamentu Nasional,” hateten Mari iha nia deskursu hafoin inagura estatuta Sri Chimmoy iha PN, sesta (8/2). 

Eis Primeiru Ministru Mari Alkatiri ne’e hateten, matebian Sri Chimmoy lori estatua ho Taca ba paz mai povu Timor Leste hahu uluk iha uma fukun Parlamentu Nasional (PN). Mari haktuir, estatua ho ahi ba paz importante, tanba hanesan parte ida konsolida paz ba Povu Timor Leste, tuir hahalok ne’ebe Chimmoy halo ona iha nia moris. 

“Ita hotu hatene katak, Valor paz nian ne’e as tebes, ita atu sosa mos la hetan, ita tenki halo esforsu loro-loron para ita iha kapasidade atu hanoin, iha kapasidade atu muda ita nia hahalok, para ita atu sosa paz, maibe, paz la sosa ho osan, paz hahu husi ita nia laran, iha ita nia hahalok rasik, iha ita nia fuan,” Mari dehan. 

Ema bele husu, tanba saida maka ita lori estatua ida Timor Leste par abele konese no atu hatudu katak, paz mai husi esforsu husi ema barak iha mundu, ita tenki fo valor ba Toca paz ne’e. “Hau konese Sri Chimmoy iha 2003, nia mai Timor Leste iha 2004, agora hau hakfodak wainhira iha fulan Dezembru 2012 tinan kotuk rona katak nia mate ona, tanba ne’e maka harii lalais estatua ida nee para halo omenazen ba ema ida ne’ebe maka hakuak dame,” dehan Mari. 

Nune’e mos Primeiru Ministru Xanana Gusmao, nuudar mos hetan medalla kondekorasaun husi Sri Chimmoy hateten, tempo ona ita atu husik buat at hotu, atu hamutuk hoid kria paz ba futuru rai doben ida ne’e. 

“Serimonia ida ne’e, ita sei lembra individu tomak ho Chimmoy nia kontribuisaun atu promove paz ho mos komunidade, ita hotu ema ida de’it, knua ida de’it, tenki hakarak ida de’it,” Xanana hateten. Iha fatin hanesan, Prezidenti Parlamentu Nasional, Vicente Guterres hateten, paz liafuan ida ne’ebe mak valor boot liu no importante ba povu tomak ninia luta, paz ezizi ba ita atu lembra katak, luta para atu mantein paz ne’ebe mak loro-loron nian. 

,