Valentine Day, Fretilin: Lia Fuan Domin umpamakan Hanesan Matan ho Liman

.

SUARA TIMOR LOROSAE - Kinta, 14 Fevereiru 2013 

DILI_Bankada Fretilin iha uma fukun Parlamentu Nasional (PN), konsidera lia fuan domin hanesan liman ho matan iha ne’ebe liman kanek matawen tun, nune’e mos bainhira matawen tun liman hamos. 

Kestaun ne’e hato’o deputadu husi bankada Fretilin Aurelio Freitas ba STL iha uma fukun PN, Kinta (14/2), relasiona ho komemorasaun loron domin (14/2) nebe mundu tomak selebra kada tinan. 

“Domin ne’e hau konsidera hanesan liman ho matan kuadu liman kanek matawen tun nune’e mos kuandu matan wen tun liman hamos, ne’e mak dehan hadomi malu,” dehan Deputadu Aurelio. 

Nia haktuir, ohin ne’e koinese ho loron kasih sayang, neduni iha biban ne’e nia husu atu ema ida-idak hadomi malu hanesan Timor oan, atu kria relasaun diak ba malu. Natalia Moniz/ Jasinta Sequeira

,