Tribunál Distritál Díli julga kazu abuzu konfiansa agravadu ne’ebé akontese iha internál Partidu ASDT

.

JUDICIAL SYSTEM MONITORING PROGRAMME - PROGRAMA MONITORIZASAUN SISTEMA JUDISIAL JUDICIAL SYSTEM MONITORING PROGRAMME PROGRAMA MONITORIZASAUN SISTEMA JUDISIAL 

Komunikadu Imprensa 

6 Fevreiru 2013 

Tribunál Distritál Díli julga kazu abuzu konfiansa agravadu ne’ebé akontese iha internál Partidu ASDT Iha 5 Fevreiru 2013, Tribunál Distritál Díli hala’o julgamentu ba kazu krime abuzu konfiansa agravadu ne’ebé akontese iha internál Partidu ASDT. 

Kazu ne’e rejista iha tribunál ho Nú. Prosesu: 536/C.Ord/2012/TDD. Jugamentu ne’e ho agenda rona deklarasaun arguidu no depoimentu husi sasin sira nian. Ministériu Públiku akuza katak, iha 29 Maiu 2012, arguidu nain rua ho inisiál GdCAA no HQ ne’ebé asume kargu nu’udar Sekretáriu Jerál Partidu ASDT anteriór uza orsamentu husi CNE ho montante US$230, 000, hala’o atividade partidu ASDT sein kuñesimentu husi Prezidente eleitu. 

Ministériu Públiku akuza arguidu sira tuir artigu 257 Kódigu Penál kona-ba abuzu konfiansa agravadu ho pena prizaun tinan 2 to’o tinan 8 prizaun. 

Prosesu julgamentu ne’e hatudu pasu importante ida tanba públiku katak ema hotu hanesan iha lei nia oin no ita fiar katak kazu ho natureza abuzu podér, abuzu konfiansa no krime ho natureza korupsaun sira sei kontinua ba hatan iha tribunál sein esepsaun.,” dehan Diretór ezekutivu JSMP Luis de Oliveira Sampaio. 

Iha audiénsia arguidu GdCAA hili nia direitu nonook. Iha parte seluk, arguidu HQ deklara katak, orsamentu ho montante US$2300,000 ne’ebé sira simu husi CNE, uza ba atividade partidu ASDT tanba iha momentu ne’eba GdCAA rekuñese nu’udar Sekretariu Jerál ba Partidu ASDT. Prosesu julgamenru dirije husi Dr. José Maria de Araújo, Dr. Duarte Tilman, no Dr. Paulo Teixera nu’udar juis koletivu. 

Dr. José Ximenes mak reprezenta Ministériu Públiku no arguidu sira hetan defeza husi Dr. José Guterres nu’udar Advogadu Privadu. Julgamentu suspende ba 26 Fevereiru 2013 iha oras 9.00am hodi rona depoimentus husi testemuña sira seluk. 

Atu hetan informasaun kle’an favor kontaktu direitamente: 

Luis de Oliveira Sampaio 

Diretór Ezekutivu JSMP 

Diresaun e-mail: luis@jsmp.minihub.org 

Landline: 3323883 

www.jsmp.tl 

.