Taur: TL Sei La Husik Horta Lao Mesak

.

SUARA TIMOR LOROSAE - Tersa, 05 Fevereiru 2013 

DILI- Prezidenti Republika (PR) Taur Matan Ruak, hateten Timor Leste (TL) sei la husik representante Espesial Sekertariu Geral Nasoes Unidas Ramos Horta atu lao mesak, maibee TL sei fo’o buat hotu nebee TL bele halo, para misaun nee sai susesu iha futuru. 

 “Hanesan Prezidenti Republika lori estadu TL nia naran, grante ba representante espesial Sekertariu Geral Nasoes Unidas Ramos Horta, TL sei la husik ita boot mesak iha misaun ida nee, maibee Timor Leste sei fo’o hotu buat nebee TL bele halo, para misaun ida nee sai susesu, susesu importante, tamba pestizu Nasoes Unidus, pestizu Nasaun CPLP no pestizu mos TL,” hateten PR Taur Matan Ruak, liu husi nia diskursu, wainhira halao despedida ho eis Prezidenti Jose Ramos Horta, iha Rai Kotu, Dili, segunda (4/2). 

Nia hatutan TL iha privelejiu boot, tamba tinan 12 servisu hamutuk ho Nasaun Unidus, TL hotu basa liman haksolok, tamba ho servisu hamutuk Nasoes Unidus ida nee susesu tebes. 

Laos ida nee deit, maibee tamba azuda hari Timor, ho surat nebe nia asina bainhira nia servisu ba indepedensia nasaun TL. 

Iha fatin nee mos Representante Espesial Sekertariu Geral Nasoes Unidas ba Guine Bissau Jose Ramos Horta hateten misaun nebee nia simu, konsege halo intervensaun iha Parlamentu Nasional (PN), tamba ne’e nia agradese ondra, ho oportunidae nebe Prezidenti PN ho deputadu sira halo. Joao Anibal 

,