 |
| Foto, Arsénio Bano |
Jornal Nacional Diario - Segunda-feira, 18 Fevereiru 2013
Udan boot akompania ho anin durante oras lima nia laran, ne’ebe
akontese iha sabadu (16/2), halo tahu no lixu butuk nakonu iha area
palacio Prezidensial oin, Aitarak laran, Dili, tanba be nalihun.
Alende Palacio Prezidensial nia oin, inkluindu komunidade nia uma no
lojas ne’ebe hela iha Aitarak laran, Bairo Pite no fatin sira seluk
iha kapital Dili mos nakonu ho foer durante udan no anin boot ne’ebe
akontese hahu iha tuku 11:00-18:00 Otl.
Situasaun ida ne’e halo komunidade sira no ukun nain sira preokupadu tebes.
Be sa’e to’o iha palacio Prezidensial nia area tanba Ponte Maloa Kotu,
no mta ne’e intupidu entaun be labele halai los mas tenke sa’e tuir
fali estrada klaran.
“Bee tama to’o iha Palacio Prezidensial nian tanba intupidu iha Ponte
mota maloa nian,” informa Antonio Freitas ba JNDiario iha Aitarak
Laran, Dili, Domingu (17/2).
Nia mos hatutan,” Ponte ne’ebe mak atraza husi kompania Atramor no
kontinua husi CNT mak halo tarde projeitu ne’ebe la’o to’o tinan ida
resin ona, Katak Antonio Freitas.
Iha fatin hanesan, Seguransa Sivil husi Prezidenti Republika sente
preokupa tebes tanba udan iha tinan kotuk ba, be sa’e maibe maibe la
dun maka’as hanesan akontese ne’e.
“Udan agora bo’ot duni tanba bele tama to’o area palacio laran,
tinan-tinan ba kotuk ne’e laiha,” pesoal seguransa ne’e hateten.
Nune’e, nia dehan, ba inundasaun ne’e seguransa civil, funsionariu
balun husi palacio inklui Trabalador no pesoal Bombeiros tenke serviso
kalan-loron para to’o segunda dadersan mais ou menus Palacio laran
tahu labele iha ona.
.
Sem comentários:
Enviar um comentário
Nota: só um membro deste blogue pode publicar um comentário.