Sergio Lobo “Desizaun Hasai Odete La Arbiru”

.

Sérgio Lobo

Jornal Timor Post - Sabadu, 09 Fevereiru 2013 

Ministru Saude Sergio Lobo via Telefone ba Timor Post hateten, desizaun ne’ebe nia foti la’os arbiru, tanba, nia informa desizaun ne’e koletivu no tuir duni lei Komisaun Funsaun Publika nian. 

“Hau La’os arbiru,” Lobo afirma. Nia esplika, razaun roka diretora Jeral (DJ) HNGV ne’e tanba mandatu hotu ona, Tuir Lobo, Odete simu kna’ar ne’e iha tinan 2008, tanba ne’e, nia hatutan liu tan, liu tiha ona tempu atu troka, nia karesenta tuir lei funsaun publika rasik mandatu ne’e to’o tinan rua de’it. 

Lobo informa tan, desizaun ne’ebe iha sei subtitui Diretor hamutuk nain ne’en to’o hitu iha Ministeriu Saude inklui DJ HNGV. Nia hatutan, hahu loron (08/2), diretor foun sira sei aprejenta an no halo adaptasaun no liu semana ida maka foin ofisialmente simu pose. 

Bacgraund Francisco Rego, ne’ebe atu troka DJ Odete, Lobo haktuir, Rego konsege lidera ona Instituisaun Nasional Saude ho kapasidade Master Administrasaun Hospital. Tuir Lobo, Timor-oan hamutuk nain hat deit maka iha ona kapasidade Master Administrasaun Hospital, inklui Diretor Hospital referral Baucau, Maliana no Diretor SAMES. 

Hatan Jornalista kona ba Odete hafoin husik kna’ar ne’e sei koloka fali ba fatin ne’ebe, Lobo hateten, Odete hanesan doutora espesialista ida ne’ebe Ministeriu Presiza nafatin atu kontinua servisu iha HNGV. “Doutor espesialista, nafatin aset Hospital nian, presiza kapasitasaun nafatin,” dehan Lobo.

.