“PR Taur Konvida Investor Internasional”

.

Jornal Timor Post - Kuarta-Feira, 13 Fevereiru 2013 

Prezidenti Republika, Taur Matan Ruak konvida emprezariu internasional atu mai Timor Leste hodi investe iha area relevante ba dezenvolvimentu nasional no ekonomia mundial. 

Kestaun ne’e Xefe estadu hato’o liu husi embaixador husi nasaun internasional ne’ebe maka loron hirak ne’e entrega kredensial ba Prezidenti Republika hodi akredita diplomata iha nasaun Timor Leste. 

Maibe, nasaun Timor Leste kaer mesak kuda talin perente tinan 11 ona maske iha periodu hirak ne’e hasoru problema barbarak maibe ho lideransa fundador estadu nian konsege re-estabiliza situasaun ne’ebe akontese iha tinan 2006 no 2008. 

Ho estabilidade ne’ebe metin no hetan susesu iha tinan 2012 husi eleisaun Prezidensial dala rua, lejislador no komemorasaun tinan 10 restaurasaun independensia no serimonia toma posse ba PreZidenti Republika, Taur Matan Ruak hodi troka atual prezidenti espesial nasoens Unidas ba Guine Bissau, Jose Ramos Horta. 

 “Ami hetan konkista barak husi ami nia esforsu hotu, tanba ne’e, lori estadu Timor Leste nia naran konvida komunidade internasional atu investe iha nasaun Timor Leste,” Prezidenti Republika, Taur Matan Ruak, tatoli liu husi embaixadores depois entrega karta kredensial (12/2) iha palasiu Prezidensial Bairo-Pite. 

Durante loron rua karta kredensia entrega husi Embaixador Malaysia ne’ebe mak fo asistensia maka’as husi misaun Nasoens Unidas ba Timor Leste desde tinan 1999, tanba ne’e ho mandatu misaun asistensia paz remata Malaysia kontinua ho nia koperasaun ho Timor Leste ba area dezenvolvimentu. 

Nia dehan, misaun investor atu dezenvolve nasaun Timor Leste ho pasu importante ba problema pobreza no saude, edukasaun diak ne’ebe mak povu sei infrenta. 

.