 |
| Foto, Presidência da República de Timor-Leste - Facebook |
Jornal Nacional Diario - Segunda-feira, 18 Fevereiru 2013
Prezidenti Republika Taur Matan Ruak hateten, ba futuru membrus foun
FALINTIL-Forca Defeza Timor Leste (F-FDTL) no Polisia Nasional Timor
Leste (PNTL) hala’o treinamentu bazika hamutuk, tuir politika
integradu ne’ebe implementa iha operasaun konjunta iha 2008.
“La presiza PNTL treina baziku mesak, la presiza F-FDTL halo mesak,
tanba karik ita halo ida ne’e, ita laiha koerensia ba ita nia politika
ou leis ne’eb mak iha, se sistema integradu naturalmente nia fo
formasaun baziku sira tenki integradu tanba ne’e ejiji husi asaun
ne’ebe ita tenki halo,” hateten Xefe Estadu Taur Matan Ruak, iha
Deskursu wainhira hala’o abertura ba treinamentu promosaun ofisiais
PNTL, iha Instituisaun Centro Formacao academia PNTL, Comoro, Dili,
Sabadu (16/2).
Taur Matan Ruak fundamenta tan katak, operasaun konjunta neebe PNTL
hala’o iha tinan 2008, ema barak kestiaona katak, PNTL ba fo an ba
mate deit, tanba ne’e Xefe estadu husu atu labele akontese tan.
“Formasaun baziku integradu ida ne’e mos ajuda poupa rekursu
sistematiza ita nia komportamentu, ita nia hahalok, uniformiza ita nia
porsedimentu, reforsa ita nia interasaun no konfiansa, ida ne’e maka
ita nia sistema husu,” haklaken Xefe Estadu ne’e.
Iha fatin hanesan, Komandante Jeral PNTL, Komisariu Longuinhos
Monteiro hateten katak, husi aktovidades hirak ne’e bele kesi servisu
instituisaun rua ne’e hamutuk, mesmu haree tarefas la hanesan, mas iha
parte balun tarefas hanesan nu fin para liga ba malu.
“Planu ida ne’e iha fulan Marsu mak sei halo planu ida ne’e para halo
atividade sira hanesan uluk halo iha Rai robo, mas laos ba Nivel
rekruta sira, maibe ba Nivel sira ne’ebe mak iha ona pozisoens para
kria aktividades konjunta ida hanesan uluk iha Rai Robo kedas maibe
la’os husi PNTL mesak sei hamutuk ho forsa sira,” nia esplika.
,
Sem comentários:
Enviar um comentário
Nota: só um membro deste blogue pode publicar um comentário.