Polemika Kadoras GS “Lori Ba Tribunal Arbitral”

.

Jornal Timor Post - Sesta-Feira, 08 Fevereiru 2013 

Eis Deputadu husi Bancada KOTA, Dr. Manuel Tilman husu ba Governu Timor Leste atu dada Australia ba Tribunal Arbitral kona-ba kadoras (Pipeline) Greater Sunrise (GS). 

“Ita tenki prepara an ba tribunal Arbitral, Tribunal arbitral ne’e nu’udar Tribunal internasional, hau koalia tiha ona ho Minitru Petroliu ni nia (Ministru) mos hakarak atu lori kestaun ne’e ba Tribunal Internasional,” Tilman dehan ba Timor Post iha Parlamentu nasional, Kinta (07/2), relasiona ho akordu GS atu remata ona maibe seidauk lori pipeline mai Timor Leste. 

Nia esplika, dada malu ba Tribunal Arbitral ho tema ida atu aplika ka interpreta akordu ne’e para hatene loloos akordu ne’e taka dalan atu dada pipeline mai Timor ka lae. “Ita bele manan pursentu 100 (100%) tomak se ita konsege impoin iha Tribunal Internasional, ida buat ida naran, lina media, defini fali Fronteira Maritima, sira (Australia) most auk hela buat ida ‘median line’ ne’e,” nia informa. 

Tuir nia, se akordu GS ne’e la ba oin, TL sei lakon buat ruma, katak, atu negosiu fila fali no atu konvense fila fali Australia para ita atu hetan metade-metade (50-50) ne’e difisil ona. 

“Se Tuir fronteira Maritima tuir prinsipiu ida naran lina media (media line), greater sunrise ne’e ita nia tomak, sira nein hetam kilometru ida,” Tilman informa. 

.