“PNTL, F-FDTL Preparadu Hapara CPD-RDTL”

.

Jornal Timor Post - Segunda-feira, 18 Fevereiru 2013 

Polisia Nasional Timor Leste (PNTL), no FALINTIL-Forsa Defeza Timor Leste (F-FDTL) preparadu hapara atividade grupu Konsellu Popular Demokratiku-Republika Demokratika Timor Leste (CPD-RDTL) ne’ebe hala’o kooperativa agrikultura iha Suku Welaluhu, Sub Distritu Fatuberlihu, Distritu Manufahi. 

Komandante Longuinhos konfesa, orientasaun Primeiru Ministru klaru, ne’e duni la kleur tan F-FDTL no PNTL sei ba hapara atividade grupu CPD-RDTL iha sub Distritu Fatuberlihu. 

“Orientasaun Primeiru Ministru klaru, hanesan Xefe Governu no Ministru Defeza Seguransa katak, tenki lalais no la kleur tan PNTL no F-FDTL hapara aktividades CPD-RDTL iha suku Welaluhu, tanba fatin ne’ebe atu dezenvolve ba area seluk,” informa komandante Jeral PNTL, Komisariu Longuinhos Monteiro ba Jornalista sira, iha Centro Formasaun Polisia Comoro, Sabadu (16/2). 

Komisariu ne’e konfesa katak, agora ne’e komandu PNTL no F-FDTL seidauk simu orientasaun ida klaru para aoinsa atu implementa, maibe nia fiar sei iha orientasaun ne’ebe klaru liu tan husi Primeiru Ministru no Ministru Defeza no Seguransa, kona-ba misaun saida mak PNTL no F-FDTL atu hala’o. 

“Agora ne’e, komando F-FDTL adia exersisiu iha neeba semana rua tan, depois polisia mak sei ba taka fali pozisaun ida ne’e iha ne’eba hodi hein orientasaun hikus nian husi governu,” dehan Longuinhos. 

,