PN Husu V Governu Tau Prioridade Ba Povu Nia Moris

.

SUARA TIMOR LOROSAE - Tersa, 12 Fevereiru 2013 

DILI-Reprezentante povu iha Uma Fukun Parlamentu Nasional husu ba V Governu ida nee atu tau prioridade ba Povu nia moris, atu nunee bele redus numeru kiak iha Nasaun ida nee. 

“Hanesan reprezentante povu iha Uma Fukun ida nee, hodi povu nia naran husu ba V Governu ida atu tau interese povu nian aas liu, labele hare liu ba interese politiku entaun ita nia povu iha rai ida nee maka sei moris nafatin iha kiak nia laran,”hatete deputada Bankada PD Maria Lourdes Martins ba STL PN Dili, Tersa (12/02). 

Parte seluk Deputadu Inacio Moreira reforsa tan katak, area infra-estrura mos inportante ba povu sira atu hadia sira nia ekonomia, tanba nee V Governu ka AMP 2 nee tenki tau prioridade infra-estrura li-liu iha area rural hodi nunee povu sir abele asesu hodi lodi sira nia produtu ba faan iha Vila. 

Pedro da Costa Deputadu husi bankada CNRT hateten, V governu ida ne’e sei responde povu nia preokupasaun, maibe sei hein orsamentu jeral, atu nune’e bele hadia area saida deit maka to’o agora seidauk hadia. Terezinha da Costa/Natalia Moniz

.