Tempu Badak “Papa Benediktus XVI Rejigna an”

.

Jornal Timor Post - Tersa-Feira, 12 Fevereiru 2013 

Papa Benediktus XVI hateten, sei rejigna-an iha loron 28 fulan-Fevereiru tinan 2013. 

Kuandu desizaun ne’e maka akontese, Papa Benediktus hanesan papa primeiru ne’ebe rejigna-an iha decade ne’ebe naruk. 

 Informasaun rejigna-an ne’e, fo sai husi Porta Vos Vaticano Federico Lombardi. “Papa anunsia ona katak, nia sei rejigna-an husi ninia kargu iha loron 28 Fevereiru,” Federico hateten hanesan publikasaun ajensia Notisia Franca nian (AFP). 

Antes ne’e, iha jejaring social hanesan Twitter, Papa Beneditikus haruka mensazen primeiru iha lian Latina hodi husu ba sarani kristaun sira atu hametin unidade no kontinua halo orasaun. 

Desde, Papa loke ‘account Twitter’ fulan hirak liu-ba, nia haruka ona mensazen lian ualu, ema maizumenus 5.000 maka akompania papa nia account Twitter iha lian Latin. 

Nune’e mos, bainhira Papa Bendiktus diriji missa iha Natal tinan kotuk, husu atu oinsa mundu labele lakon esperansa ba paz, mesmu iha fatin konflitu sira hanesan suriah. 

Papa Bendiktus ne’ebe moris iha Matrktl am Inn, Bayern, Alemana, loron 16 fulan-Abril 1927, sai hanesan papa ba Igreija Katlika roma iha loron 19 fulan-Abril 2005, ofisialmente hanesan Papa iha loron 24 fulan-Abril 2005. 

Papa Bendiktus ho naran Moris Joseph Alois Ratzinger iha loron 12 fulan Dezembru 2012 komesa uza media social Twitter hodi haruka mensazen no hatan perguntas kona-ba misa iha domingu no mos mensajen sira ne’ebe relasiona ho akontesementu boot iha mundu, inklui dezastre Naturais. 

.