“OJE 2013 La Tuir Povu Nia Moris”

.

Jornal Timor Post - Segunda-feira, 11 Fevereiru 2013 

Diretor Judisial Sistem Monitoring Program (JSMP), Luis de Oliveira Sampaio konsidera ezekusaun orsamentu jeral estadu 2013 sei la refleta ba komitmentu governu ne’ebe durante halo diskusaun defende maka’as iha Parlamentu Nasional (PN). 

 “Ita haree era Prioridades hanesan edukasaun, agrikultura, infraestrutura no saude kontinua hanesan ezekusaun tinan hitak liu ba kotuk, to’o agora mos ita haree laiha mudansa signifikativu, entaun, buat sira ne’ebe membru governu promete atu hadia povu nia moris nunka akontese maibe akontese fali ba grupo ida rua de’it,” nia dehan ba Timor Post iha knaar fatin, Sabadu (09/2). 

Nune’e, nia husu ba deputadu sira atu uza sira nia kbiit konstitusional hodi halo observasaun kritiku ba debate orsamentu estadu la’o ho apropriadu no invested uni ba area importante. 

Nia dehan tan, bankada FRETILIN uniku opozisaun iha PN, deside vita abstein ba debate jeneralidade tanba konsidera proposta ne’e sei presiza hadia iha diskusaun espesialidade, durante debate, deputadus Bancada Opozisaun mos hato’o sira nia preokupasaun ba estabelesementu projeitu ‘Tasi mane’ ne’ebe aloka osan barak liu kompara ho seitor importante sira seluk hanesan edukasaun, saude, agrikultura, infraestrutura, bee-moos no saneamentu ne’ebe bele garante hadia povu nia moris. 

JSMP observa katak, governu aumenta osan kada tinan atu hadia infraestrutura maibe laha balansu ho kualidade fiziku, ezemplu, estrada kada tinan kontinua at no governu la investe ba tinan seluk. 

.