Laiha Problema Entre Indonesia – TL Iha Area Naktuka

.

SUARA TIMOR LOROSAE - Kinta, 14 Fevereiru 2013 

DILI – Relasiona ho Forsa Tentara Nasional Indonesia (TNI) ne’ebe foin lalais ne’e tama iha area Naktuka, tuir Vise Ministru Negosio Estrangeiro (MNE), Constancio Pinto, katak agora situasaun normal no laiha problema entre TL ho Indonesia. 

Vise MNE, Constancio fo sai kestaun ne’e ba STL iha uma fukun Parlamentu Nasional (PN) Kinta (14/02), katak relasiona ho kazu Naktuka, laiha problema entre Indonesia ho Timor Leste, atraves situasaun lao normal. 

“Naktuka problema laiha ida, foin lalais ne’e iha diskusaun maibe laos problema, agora dadaun situasaun kalma los, klaru ke iha ne’eba iha troka malu bataliaun hosi Indonesia nian parte ne’ebe sira mos persija intera ho situasaun ne’eba ho komonidade sira iha ne’eba, dalaruma sira lao sala tiha maibe agora dadaun situasaun kalma, tanba ita nia UPF ho TNI iha koperasaun ne’ebe diak tebes,”

hatete Constancio. 

Nia mos hatutan, maske ho prezensa TNI iha area Naktuka hodi halo tauk komonidade balun, maibe TNI sira tama iha Naktuka hodi servisu hamutuk ho Polisia atu hatene diak liu tan area fronteira TL ho Indonesia. Tomas Sanches/Timotio Gusmão 

,