“Komisaun Eventual Redus Ona OJE”

.

Jornal Timor Post - Kuarta-Feira, 13 Fevereiru 2013 

Enkontru Komisaun Eventual (KE) ne’ebe tama ona loron tolu (hahu iha 7-12 Fevereiru), hetan ona consensus, Governu konkorda hodi redus ona Orsamentu Jeral Estadu (OJE 2013) milloens U$100 ital husi total billoens U$1,797,52. 

“Tuir informasaun ne’ebe mak hau rona husi maluk sira ne’ebe envolve iha komisaun eventual ne’e hatete katak, sira hetan ona konkordansia hamutuk entre parte rua no konsege redus ona miloens $100 ital,” deputada bancada FRETILIN Ilda Maria da Concecao ba Timor Post iha Parlamentu Nasional, TErsa (12/2). 

Nia hatutan, husi sinal ida ne’e, it abele apresia ona katak, parte rua (Bloku koligasaun no opozisaun) bele simu malu atu nune’e bele iha politika poupa ba ita nia osan ne’ebe foti husi fundu minarai. 

Tuir Ilda, prespetiva ema barak nian hateten, kuandu opozisaun esforsu trava osan signifika lakohi dezenvolvimentu atu lao, ne’e la loos. 

Deputada ne’e salienta katak, opozisaun trava atu hasai osan barak husi fundus minarai ne’e para it abele estuda didiak atu nune’e kuandu ita hasai mos tuir nesesidade ne’ebe iha.

.