Isabel Fereira; “Ukun Nain Moris Diak, Povu Kontinua Mate Bei-Beik”

.

Jornal Nacional Diario - Kinta-Feira, 14 Fevereiru 2013 

Primeira Dama Isabel Fereira afirma katak, realidade ne’ebe maka akontese iha Timor Leste actual iha area saude nian, povu kontinua mate bei-beik e ukun nain moris diak ba nafatin. 

 “Agora dadaun ukun nain sira sae kartea Luxu, Uma Luxu, maibe povu barak maka moras iha Hospital Nasional guido Valadares (HNGV), kontinua mate bei-beik tanba laiha tanedementu lalais ba sira, bainhira halo tratamentu iha Hospital HNGV,” Primeira Dama Isabel Fereira hato’o lia ne’e ba Jornalista, bainhira hala’o Vizita derepenti ba HNGV, Tersa (12/2). 

Nia hatutan tan katak, se kondisaun ba atendementu povu nia mak hanesan ne’e nafatin diak liu lalika temi povu nia naran iha debate orsamentu ruma, diak liu temi deit ukun nain sira nia naran deti deit, tanba durante ne’e temi dehan orsamentu ne’e atu hadia povu nia saude maibe ba deit atende bo’ot sira nia saude diak liu duke povu. 

 “Ita koalia orsamentu hotu-hotu temi povu nia naran maibe, povu kontinua mate bei-beik, mate bei-beik, maibe ukun nain sira diak hela, moris diak hela, sae kareta lux, uma luxu, sira kuandu moras atende lalais liu, maibe povu nia kondisaun hanesan ne’e nafatin deit,” dehan Isabel. 

Nia dehan, realidade iha fatin HNGV laos atu salva ema, maibe povu barak moras mai para mate, salva ne’e oituan de’it, ne’e foin akontese HNGV, nune’e iha Distritu sira at liu. Nu’udar sidadaun, Isabel dehan, nia sei koalia beibeik hodi halo relatoriu ba Ministeriu Saude (MS), atu sir abele hadia lalais sistema atendementu iha HNGV ninian. 

“Ho hau nia vizita ne’e Ministeriu Saude bele hadia sistema atendementu diak iha HNGV ne’e, tanba ita nia estadu tau osan maka’as liu ba iha area saude nian, laos deit estadu, maibe duadores no komunidade internasional mos fo nia apoiu maka’as ba area ne’e, maibe nia rejultadu iha ne’ebe?,” Isabel husu. 

,