Grupu Deskoinesidu Sunu Uma 5 “Polisia Kaptura Suspeitu Nain 16”

.

Notisia Husi TVTL - Tersa-Kalan, 12 Fevereiru 2013 

Polisia Distritu Ermera kaptura suspeitu 16 ne’ebe deskonfia envolve kazu asaltu iha Suku samalete, Sub Distritu Railaku, Distritu Ermera, entertantu, suspeitu nain rua ne’ebe antes Polisia kaptura oras ne’e iha ona Prizaun Preventiva. 

Liu husi operasaun ne’ebe hala’o husi Polisia no F-FDTL iha Suku samalete, relasiona ba kazu omisidu no sunu uma 5 komunidade nian, iha Kuarta no Kinta semana kotuk, Polisia konsege kaptura suspeitu hamutuk 17, suspeitu nain 2 ne’ebe kaer iha sexta-feira semana kotuk oras ne’e iha ona prijaun preventiva Becora. 

Entertantu, suspeitu 15 seluk aprejenta ona ba Ministeriu Publiku no tuir planu sei hala’o primeiru audensia julgamentu Kuarta-feira semana ne’e iha Tribunal Distrital Dili. 

Oras ne’e dadaun Polisia no F-FDTL sei buka tuir nafatin suspeitu 19 sira seluk ne’ebe halo asaltu no sunu uma iha Suku Samalete. 

Iha akontesementu ne’e, grupu ne’ebe atais hala ninja ne’e, konsege sunu uma 5 iha Kuarta dader no oho vitima Domingos Carvalho ho nia familia iha kinta kalan kuaze tuku 12 Otl. 

Mate isin nain hat ne’ebe kompostu husi vitima nain 3 ho suspeitu ida oras ne’e sei iha mortuariu Hospital nasional Guido Valadares Dili hodi hein ba prosesu autopsia. 

.