Governu Sei Desmoviliza Veteranu 230 resin, Reforma F-FDTL Lei Mak Determina

,

SUARA TIMOR LOROSAE - Tersa, 05 Fevereiru 2013 

DILI- Tuir Planu iha Kuatru Governu Konstitusional sei halao dezemovilizasaun ba veteranu iha Agustu tinan 2012, maibe membru governu foun simu pose iha fulan nebe hanesan, tan ne’e programa desmovilizasaun ba veteran adia ba iha Agustu tinan ne’e, hodi halo desmovilizasaun ba veteran kuaze 230 resin. 

Tuir Sekretariu Estadu Asuntu Veteranu Julio Sarmento Meta Malik katak, reforma ba Membru Falintil Forsa Defeza Timor Leste (F-FDTL) nebe mak veteranu lei iha ona bele, tamba ne’e institusaun membru F-FDTL sira nia direitu iha Veteranu mak Sekretariu Estadu Veteranu asumi ba.“ 

Atu reforma sira (F-FDTL red) tuir idade nebe mak iha institusaun nee’e lei mak atua sira, kona lei hau seidauk too iha neba mas hau hatene katak lei sira prepara ona maibe lei nee’e mak seidauk lao,” dehan Meta Malik ba STL Tersa (05/02) iha Parlamentu Nasional. 

Nia hatutan katak parte sekretariu estadu veteran ninian iha obrigasaun atu halo desmovilizasaun nebe mak halao tiha ona desmovilizasaun ba veteranu sira iha tinan 2011 ba iha veternus sira iha auto Nivel no mos mediu balun. Timotio Gusmão 

,