“Governu La Redus Dezempregu”

.

Jornal Timor Post - Tersa-Kalan, 05 Fevereiru 2013 

Bancada FRETILIN preokupa tebes numeru Dezempregu iha Timor Leste, Joven ho idade 15 ba leten sei dezempregu ho pursentu 58%. 

“Ita koalia ba dezempregu, dadus ofisial Governu nian katak tasa empregadu nasional dezempregu 4%, maibe 72,1% dezempregadu iha area rurais, ne’e empregadu halo nusa nian, no iha area urbanas 27,9% maibe dadus ne’e hateten katak ema ho idade 15 ba leten 58% la estuda ka la servisu,” Mari Alkatiri husi Bancada FRETILIN iha nia intervensaun ba diskusaun Jeneralidade OJE 2013 iha Parlamentu Nasional, segunda (4/2). 

Tan ne’e, nia rejeita total numero dezempregu 4%, maibe, presiza kombate kiak no hatun inflasaun, importante liu tenki investe iha produtividade. 

Ho nune’e, tuir Mari, estrutura orsamental tenki refleta inflasaun no politika fiskal no promove ho garante efisensia iha gastu politika hanesan dalan ida atu aumenta kresimentu ekonomika. 

.