SUARA TIMOR LOROSAE - Tersa, 05 Fevereiru 2013
DILI-Bankada Opozisaun FRETILIN preokupa ho persentajem orsamentu ba area agrikultura, edukasaun, nomos saude nebe ninia persentajem ki’ik iha Orsamentu Jeral Estadu (OJE) 2013.
Tuir deputadu bankada Fretilin, Francisco Miranda Branco katak lolos ne’e tenki investe iha infrastrutura, liu-liu iha seitor agrikultura, Saude no Edukasaun tamba area hirak ne’e importante ba dezenvolvimentu nasaun.
“ Ita hare katak, Saude, edukasaun no agrikultura la hetan persentajen nebe’e ke bo’ot, maibe iha tinan lima ba kotuk to’o agora mos ita sei hatudu nafatin distribuisaun orsamentu nebe’e focus liu ba infransturutra, Estrada, no projeitu tasi mane,” dehan Branco ba STL iha uma fukun PN, Tersa (5/2).
Tuir Deputadu Branco katak, estrutura OJE 2013 sei nafatin hanesan tinan lima kotuk, nebe’e tuir Opozisaun nia hare, presiza halo rejusturasaun ba estrutura orsamentu, tanba durante tinan lima nia laran politika orsamental focus liu ba iha infrastrutura, maibe ninia rezultadu laiha. Jasinta Sequeira/Natalia Moniz
,
Sem comentários:
Enviar um comentário
Nota: só um membro deste blogue pode publicar um comentário.