“FRETILIN Kestiaona Proposta MS”

.

Jornal Timor Post - Tersa-feira, 05 Fevereiru 2013 

Bancada Opozisaun FRETILIN iha uma fukun Parlamentu Nasional (PN) kestiaona maka’as proposta Ministeriu Saude iha Proposta orsamentu Jeral Estadu (OJE) ba tinan finanseiru 2013 ho total miloens U$61,5, ne’ebe reprezenta de’it U$7,5% despezas rekorentes. 

“Doadores entrega $31,8 miloens (15%) ne’e hau hanoin Governu la presiza aloka osan barak, tanba Ministeriu Saude iha organizasaun interna laran ho figurasaun gastas despezas, Hospitais 29,4%, Distritu 30,2% rubriga rua ne’e hamutuk 59,6% husi 61,5 miloens,” afirma Mari Alkatiri husi Bancada FRETILIN iha nia intervensaun ba diskusaun jeneralidade OJE 2013, iha Parlamentu Nasional, segunda (04/2). 

Alkatiri sujere, solusaun ba Timor-oan mak revisaun politika despezas, liu-liu iha farturasaun hare iha projeitu barbarak, iha OJE 2013, ba planu estrateziku no programa governu nian iha inkuerensia mos iha distribuisaun rekursu iha MS reprezenta de’it $7,5% despezas dekorentes. 

Portantu, tuir Alkatiri, $7 miloens, 11 miloens rezeradu ba aimoruk no 5 miloens ba ekipamentu medikus, tuir klakulasaun 79,1% OJE distinadu husi MS ba rezervadu prestasaun direta servisu no 20% ba administrasaun ba kustu indireta. Nune’e mos, iha fundu infra-estrutura $2,6 miloens, ne’ebe atu harii ba MS, maibe tuir opozisaun katak iha $2,6 miloens, maibe 1 milaun atu hodi ba ne’ebe. 

Husi fundu Dezenvolvimentu capital umanu total 38,198 mileons no 4,372 miloens distinu ba bolsa estudu MS, ne’e ita haree konfigurasaun gastus no opozisaun konsidera iha deziklibriu momos iha distribuisaun interna MS nian, ba Hospital no kuidade privadus. 

Tuir nia katak, rai ida hanesan Timor Leste kuidadus primaria mak importante liu atu redus moras, enkuantu ne’e jestaun financas publikas ladiak iha servisu hospital. Hanesan iha fulan rua ikus (Novembru-Dezembru) 2012, governu hasai fundu petroliferu U$500, Governu hatene ona osan ne’e sei la gasta, maibe tasa de jurus to’o 3-4% hatama iha fundu konsolidade, maibe ita hatene iha banku sentral fo nia pursentu la to’o 0,5%. 

.