“Familia 1000 Sofre Inundasaun”

.

Foto, Dina A. - Facebook

Jornal Timor Post - Segunda-feira, 18 Fevereiru 2013 

Udan boot ne’ebe akontese iha sabadu (16/2), rezulta uma hitu hetan estragus no familia kuaze rihun ida (1000), sai vitima ba inundasaun ne’e. 

Tuir dadus Ministeriu Solidaridade social (MSS) nian katak, kazu hudi udan boot, hamosu inundasaun iha area balun hanesan komoro, Manleuana, Motael, Aitarak-Laran, Caicoli, Becora no fatin seluk tanm komunidade ne’ebe hetan afetadu direitu husi inundasaun evakua ba fatin ne’ebe seguru. 

Vise Ministru Solidaridade social, Jacinto Rigoberto ne’ebe la’o haleu sidade Dili identifika inundasaun, hahu husi Comoro, Kampung Baru iha familia kuaze 100 maka vitima, iha Manleuana uma iha uma hitu maka hetan estragus total, iha Aitarak laran kuaze uma 100 resin sofre husi inundasaun, nune’e mos iha kaikoli ne’ebe tinan-tinan sempre vitima hetan inundasaun inklui Becora no Kamea. 

“Em Jeral Dili de’it, maibe to’o agora ami seidauk simu relatoriu husi distritu ne’ebe dala ruma afetadu mos husi inundasaun ka dezastre sira seluk iha rai laran,” hateten Jacinto. 

Tuir observasaun Timor Post, Sabadu kalan iha Ex Koni, Sekretariu Estadu JOventude Desportu, Miguel Manetelo ho nia Diretores no Xefe Departamentu, Miguel Manetelu ho nia Diretores no Xefe Departementu balun loke odamatan koni no jinasiu (GMT) hodi simu komunidade ne’ebe sofre husi inundasaun boot ne’ebe mosu iha sabadu. Enkuantu iha bee matan boot, Aldeia Ai-look laran, Suku Kamea, Sub Distrito Kristo Rei, Kintal 10 inklui uma 1 hetan estragus husi mota.

.