“ENSUL Abandona Projetu Hospital Referal Baucau”

.

Jornal Nacional Diario - Tersa-Kalan, 05 Fevereiru 2013 

Kompania Internasional husi Portugal, ENSUL fulan barak nia laran ona mak abandona mega projetu konstrusaun Hospital Referal Baucau. 

ENSUL abandona hela projetu ne’e, tanba deit razaun administrativa balun ho Ministeriu Saude (MS) ne’ebe seidauk hetan nia solusaun, maibe, parte MS rasik entrega ona ba Agensia Dezenvolvimentu Nasional (ADN) atu prosesa kazu ida ne’e. 

 Diretor jeral (DJ) Ministeriu Saude, Agapito da Silva esklarese katak, projeitu ne’ebe ENSUL abandona tiha ona ne’e sai hanesan moras todan ida ba MS, pior liu tan, projeitu ne’ebe halo kleur ona ne’e sempre abandona hela deit husi kompania internasional rua (ENSUL ho kompania internasional ida husi Korea). 

Mega Projeitu HR Baucau ne’e hahuu iha mandatu IV Governu nian, ne’ebe momentu ne’ebe Ministru Saude Nelson Martins mak lidera Ministeriu ne’e no nia Vice maka Madalena Hamjan. 

“Konstrusaun ne’e para la ho rajaun ne’ebe profunda, hau rasik la kumpriende no la hetan,” Hatete Agapito da Silva hodi responde JNDiario iha Hotel Timor, Dili, foin lalais ne’e. nune’e mos, Minidatru Saude, Sergio Lobo ho Diretor Jeral Agapito da Silva mos la hatene rajaun fundamental husi kompania ENSUL ne’ebe abandona projeitu ne’e, maibe, husi MS entrega ona ba iha ADN poriso kazu ida ne’e. 

.