Jornal Timor Post - Sesta-Feira, 15 Fevereiru 2013
Deputadu bancada FRETILIN Dr. Mari Alkatiri hateten, Governu hanoin
halo imprestimu ho total milloens U$43,6 ba futuru tenki
autoviabilizas atu nune’e labele dependensia fali ba fundu petroleu.
“Ita kuandu halo impretismu, ita tenki halo estudu viabilidade para
imprestimu ne’e atu selu ninia-an rasik, labele hanoin fali fundus
petroleum maka aban bain rua sei selu fali imprestimu sira ne’e, Mari
hateten liu husi debate espesialidade ba Orsamentu Jeral Estadu (OJE)
2013 uma Fukun Parlamentu Nasional, kinta (14/2).
Nia hatutan, husi saldo fundu infraestrutura miloens U$401,3 ne’e
haree momos katak, sei dependi direta husi fundus petroliferu ne’ebe
boot tebes ba orsamentu refere.
Tuir Alkatiri, Orsamentu ne’e boot demais ona, agora mosu tan
orsamentu husi sosa fos ho mil U$2,5, osan sira ne’e bele dehan mai
husi dalan ida de’it.
“Ne’e importante tebes para ita atu hatene para atu haree lolos, atu
nune’e labele hanoin katak, ne’e reseitas,” Alkatiri hateten.
Tan ne’e, nia husu, ba oin ita hotu tenki halo ezersisiu ida ba oin
para haree loloos oinsa maka ita bele apar didiak ho problemas sira
ne’e.
.
Sem comentários:
Enviar um comentário
Nota: só um membro deste blogue pode publicar um comentário.