Dr. Mari Alkatiri: “FRETILIN Rekuza Simu Estatus Quo”

.

Jornal Nacional Diario - Kuarta-feira, 20 Fevereiru 2013 

Antes ne’e, deklarasaun Politika Sekretario Geral FRETILIN, Mari Alkatiri hafoin votasaun ba OJE ne’e hateten, FRETILIN ho governu halo consensus iha aprovasaun OJE 2013, hatudu momos konverjensia ida ne’e ita hamoris dinamika foun hodi harii demokrasia, dalan foun ida ba reforsu sidadania – demokrasia ida partisipativa, no sidadania ida responsavel. FRETILIN nia Bancada partisipa ativu tebtebes iha restaurasaun OJE 2013 nian, no ho ida ne’e, assume mos responsablidade atu hotu-hotu vota tomak a Favor ba OJE, konsensu grantidu duni. 

“Ho ami nia votu a favor, ami hakarak tatoli lia menon ida, eh, atua firma katak, OJE pertense ba ema hotu-hotu, nu’udar kbi’it ida iha bloku, ne’ebe kompoen Governu, nia liur, ami rekuza atu simu “Status Quo” ba demokrasia ida ba eleisaun de’it, demokrasia de’it bainhira modelu ne’ebe mak ita adopta sei lori ita ba hetan ita nia objetivu ida ne’ebe, tau iha oin liu, kombate hasoru kiak, no hafoin tinan 10, ita lalika iha tan duvidas kona-ba nesesidade atu ita lao hamutuk, maibe FRETILIN lakohi mehi deit, sei halo buat hotu-hotu hodi povu tomak nia mehi sai duni realidade, mehi ne’ebe iha tempu uluk haburas ita nia kbit no keatividade atu bele responde ba dezafiu sira no halo it abele hakur-liu riskus oioin,” Mari Alkatiri dehan iha nia intervensaun politika hafoin aprovasaun OJE 2013 iha Parlamentu Nasional, Segunda (18/2). 

Mari Alkatiri mos husu ba deputadu tomak katak,” Hafoin vota a favor ba OJE 2013, ita hotu senti nudar nain ba nia, ne’eduni, obrigasaun boot liu tan baa mi atu garante ezekusaun diak, ezekusaun ida efikas no efisiente, hatuur iha ezijensia ba rezultadus, maibe sei la halua prinsipiu fundamental jestaun diak ba financas publikas, kestaun ba kualidade prestasaun servisus no ligasaun entre kustus ho benefisius sei kontinua nafatin hanesan baze hodi hatuur ami nia intervensaun ba”. 

Nune’e, FRETILIN sei haforti ninia fiskalizasaun – previa no a posterior ba ezekusaun OJE 2013 FRETILIN hein de’it katak, Governu tomak hatene komprende dinamika demokratika inovadora ida ne’e no sei koopera hodi ba to’o iha susesu. FRETILIN hein mos atu PN hola inisiativa hodi adopta lezislasaun loloos no adekuadus hodi reforsa fiskalizasaun no kontrolu ezekusaun OJE 2013. 

.