“Deskonfia Assanami Fo Projeitu Ba Alin”

.

Jornal Timor Post - Segunda-feira, 04 Fevereiru 2013 

Konstrusaun Projeitu irigasaun Iha Suku Dau-Dere, Sub Distritu Luru, Distritu Lautem ne’ebe laiha kualidade, publiku diskonfia kompania Kaehara nain husi Ministru Agrikultura no Peskas (MAP), Mariano Assanami  Sabino nia alin mak manan tendrizasaun. 

Fonte kredibel ne’ebe lakohi temi naran hateten, diretor Kompanhia Paehara ne’ebe manan tenderizasaun projeitu irigasaun ne’e husi nivel Distrital maibe la’os mai husi nasional. 

 “Ami deskonfia kompania ne’e Ministru Assanami nian mak fob a nia alin hodi kaer projeitu irigasaun iha daudere, to’o tempo ervisu remata ona, maibe irigasaun seidauk hotu tanba iha failansu boot, informa font ne’e ba Timor Post iha nia hela fatin, Dili, sabadu (02/2). 

Fonte ne’e hatutan, ho failansu tekniku hirak ne’e, udan boot, bee mota tun iha dia 02 fulan Janeiru liuba rejulta irigasaun neebe foin halo bee mota sobu fila fali kuaze distansia metru 70. 

Maibe mos, fonte ne’e dehan, populasaun sei duvida servisu kompania Paehara ne’ebe hetan projeitu la liu husi tenderizasaun, nia dehan prosesu tenderizasaun ne’e mai husi nasional la’os Nivel Distrital. 

“Ami deskonfia kompania ne’e hetan projeitu husi ne’ebe ami lahatene i ami husu tuir informasaun dehan, liu husi Pakote Dezenvolvimentu local (PDL) ho osan montante U$120 mil no tuir kontratu kompania Paehara hahu halo irigasaun ne’e iha fulan Jullu to’o 31 Dezembru 2012, maibe realdiade to’o agora irigasaun ne’e seidauk remata,” nia kestiaona. 

.