Debate OJE 2013 Iha PN “Dr. Mari Alkatiri Talves Sei Vota Kontra”

,

Notisia Husi TVTL - Tersa-Kalan, 05 Fevereiru 2013 

Parlamentu Nasional Kontinua hala’o debate orsamentu jeral estadu 2013, deputadu Bancada FRETILIN Dr. Mari Alkatiri hateten, nia parte talves vota kontra orsamentu ne’ebe Governu aprejenta. 

Loron daruak ba debate Orsamentu Jeral Estadu 2013, nune’e marka mos prejensa husi Ministra Finansas Emilia Pires, diskusaun ne’e sei hala’o loron tomak. 

Xanana Gusmao mos hateten, orsamentu ba tinan ne’e iha debate nia laran konta mos partidu opozisaun tamba ho inisiativu hakarak fo kontribuisaun. 

“Parlamentu komesa fo hanoin ona ba deputadu sira katak, jeneralidade ne’e ba liu maka makro ekonomia, prinsipius sistema liu husi diskusaun ne’ebe diak,” dehan xanana. 

Entertantu, Dr. Mari Alkatiri husi Bancada FRETILIN hateten, nia parte talves sei vota kontra ba orsamentu 213. 

“Bom, orsamentu ida ne’e seidauk konvense hau, hau uluk durante tinan lima ami halo opozisaun ida para atu hatudu katak, ita nia kapasidade seidauk iha para atu ezekuta osan boot demais, ne’e duvida katak intensaun Primeiru Ministru ninian ho vontade Primeiru Ministru nian atu muda situasaun ne’e ba diak, so ke hau mos la kohi atu tama iha grupu ema sira ne’e, maibe Primeiru Ministru laiha kulpa tanba sira seluk mak kulpa deit, lae, ne’e mos kuandu ita halo kulpa ba malu deit mos sei la rejolve problema, ita tenki buka hakbesik an ba malu para tenta, koloka ita nia pozisaun i bele deskute ho Primeiru Ministru ho Governu tomak atu haree daln ida ne’ebe mak diak liu ba ita nia rain, ne’e mak FRETILIN hakarak halo, ne’e mak hau rasik hakarak halo,” dehan Mari Alkatiri. 

Governu no opozisaun iha ideas fiksas no difisil atu hetan akordu kona ba orsamentu jeral 2013, diskusaun ne’ebe hala’o orseik atu defini deit kona ba pozisaun politika.

.