“CPD-RDTL La Retira Husi Fatuberlihu”

.

Jornal Nacional Diario - Segunda-feira, 11 Fevereiru 2013 

Masa Conselhu Popular Democratiko-Republika Demokratiko Timor Leste (CPD-RDTL), ne’ebe mak okupa rai iha Sub Distritu Fatuberlihu, Distritu Manufahi hodi hala’o sira nia koperativa, sei la retira husi fatin refere no sira kontinua mantein pozisaun. 

“CPD-RDTL sei la retira husi Fatuberlihu no la’os la tauk desizaun governu nian, ami nia hanoin sei buka aumenta par abele lori ita nia maluk sira iha Timor laran tomak sira nia hanoin, organiza, mobiliza sira ho diak liu tan ba futuru moris nian,” informa Antonio Aitahan Matak ba JNDiario iha nia kna’ar fatin,” Balide sesta 908/2). 

Aitahan Matak mos hateten,” Modelu ne’ebe mak CPd-RDTL loke la’os ba fali kriminozu sira ne’ebe maka iha Komarak becora no Gleno, Baucau nian, laos atu lori fali sira ba, sira raan sa’e fali bele taha mate malu fali iha to’os laran, ne’e oin sa?, Antonio sublinha. 

Antonio mos sujere ba organizasaun hotu-hotu bele haree tuir modelu ida ne’ebe CPd-RDTL hatudu, hanesan F-FDTL no PNTL no departementu agrikultura, edukasuan no departementu hotu tenki iha nia koperativa rasik. 

“Koperativa sira ne’e bele salva ema hotu nia kabun, laos sotin deit mak bosu no sorin deit mak hamlaha, ho kooperativa ne’e ema hotu bele moris diak, CPD-RDTL laos ba okupa fali fatin ne’eba,” haktuir Antonio. 

Ba kestaun ne’e Antonio Aitahan Matak akresenta liu tan katak, tenki halo kooperativa hodi tuir komandu da luta ne’ebe mak uluk iha ona manual da FRETILIN 1974 dehan katak, kaer rasik nia kuda talin, aisuak no katana hodi organiza malu tama ba koperativa, nune’e bele iha rejultadu. 

Entertantu, antes ne’e, Brigadeiru Lere Anan Timur liu husi ninia diskursu iha fatuberlihu katak, kilat sira ne’ebe mak agora dadaun forsas ira lori ne’eba, ne’e laos atu infeita de’it maibe oho ema nian. 

Hata’an, kona ba kestaun ne’e, Antonio lakestiaona maibe hakarak dehan deit katak, tanba sa sira kopia deit konstituisaun ne’e husi Portugal se la tau amutuk konstituisaun rua ne’e viola ona prinsipiu da restaurasaun RDTL nian, se mak hakerek lei ne’e krimi. 

,