CPD-RDTL Kongratula Xefe Estadu: “PR Taur Enkoraza Aktividade CPD-RDTL Iha Fatuberlihu”

.

Notisia Husi TVTL - Tersa-Kalan, 12 Fevereiru 2013 

Massa CPD-RDTL ne’ebe konsentra iha Fatuberlihu ne’ebe hala’o natar, mesak patriota, nasionalista no Veteranus. Masa CPD-RDTL mos kongratula Prezidenti da Republika Taur Matan Ruak ne’ebe enkoraza nafatin aktividade CPD-RDTL iha Fatuberlihu. 

Asuntu ne’e hato’o liu husi konferensia da imprensa iha sede CPD-RDTL Balide, Dili, Porta Vos CPD-RDTL Gil Ferdis informa, masa CPD-RDTL ne’ebe halo natar iha Fatuberlihu mesak patritista, nasionalista no veteranus, tamba ne’e masa CPD-RDTL rejeita deklarasaun ne’ebe hateten CPD-RDTL lori ema husi Kupang (Indonesia) hodi hala’o aktividade agrikula iha rai laran. 

“Kona ba CPD-RDTL lori tama milisia husi Timor-Kupang ba iha Fatuberlihu, CPD-RDTL hakarak esklarese ba Timor oan hotu katak, instituisaun isa ne’e halibur deit patriota no nasionalaista, kombatentes no veteranus hamutuk ho povu maubere no joven maubere mate restu hodi luta ba restorasaun no hametin RDTL nia soberania nasional, politika no ekonomika, vem organizadu husi nasional to’o bazes, nune’e, laiha UNTAS, Milisia, autonomistas ka federasionistas iha CPD-RDTL nia fileras,” deklara Gil Ferdis. 

Iha oportunidade ne’e, Masa CPD-RDTL mos kongratula ba Prezidenti da Republika ne’ebe enkoraza aktividades ne’ebe CPD-RDTL halao iha Fatuberlihu. 

“Aktividade CPD-RDTL iha Fatuberlihu, senti urgullhu tebes ba Xefe Estadu, tamba iha organizasaun ida ne’ebe ho inisistiva diakhodi kontribui ba dezenvolvimentu ekonomiku, nune’e, CPD-RDTL ho haksolok wain fo kongratulasaun husi Prezidenti da Republika, Maun Boot Taur Matan Ruak nuudar Xefe do Estadu no Komandante supremo das Forcas armadas ne’ebe direta ka inderetamente enkoraza nafatin atividades CPD-RDTL iha fatuberlihu,” afirma Gil Ferdis. 

Gil Ferdis informa liu tan katak, CPD-RDTL iha Fatuberlihu hala’o aktividade kooperativas ba produsaun agrikula iha rai bokur ne’ebe durante ne’e abandona hela.

.