“CPD-RDTL Iha Fatuberlihu, Sei Rezolve Ho Justica”

.

Jornal Nacional Diario - Sesta-Feira, 01 Fevereiru 2013 

Governu sei rezolve kazu CPD-RDTL, ne’ebe lidera husi Antonio Aitahan Matak, ne’ebe okupa rai fatuberlihu, Distritu manufahi sei rejolve ho justica ne’ebe vigora iha nasaun ida ne’e. 

“Ami koalia mos sobre CPD-RDTL lalais, porque ita nia forca sira oras ne’e dadaun halao exersisiu iha ne’eba no ami hakarak apoia mos desizaun Govenru nian no ita nia Primeiru Ministru dehan diak, no sira sei haree ho justica ho entidade selu-seluk,” esplika Xefe Estado F-FDTL, Maior Jeneral Lere Anana Timor, kinta (31/1) hafoin enkontru tiha ho Primeiru Ministru Kay Rala Xanana Gusmao, nuudar mos Ministru Defeza no seguransa. 

Lere hatutan, objetivu prinsipal nian parte hasoru malu ho Primeiru Ministru Kay Rala Xanana Gusmao hodi koalia kona-ba progresu defeza no seguransa ne’ebe mak lao dadauk iha nasaun Timor Leste ne’e atu bele hadia liu tan iha futuru. 

Lere hatutan, membru F-FDTL oras ne’e dadauk sei kontinua halo ezersisiu iha fatuberlihu to’o dia 25 Fevereiru 2013. 

“Sira (F-FDTL) sei prolonga to’o dia 15 fevereiru depois CPD-RDTL iha ne’e ba hau hanoin ita ninia ema mak iha ne’eba laos ema seluk, ita sei konvense sira agora Estadu no Governu mak tenki kria kondisoens ba sira atu nune’e sira labele halo tuun sa’e, tenki halo servisu ruma, entaun haree oinsa sira nia natar iha ne’eba sira husik see mak okupa, ida ne’e mak prinsipal liu,” haklaken Lere Anan Timur.

Nota do blogue: VIVA O CPD-RDTL!!!

.