“CNRT Kontra Osan Sosa Fini”

.

Jornal Timor Post - Kuarta-Feira, 13 Fevereiru 2013 

Deputada Brigida Coreia husi Bancada CNRT, la konkorda ho proposta Ministeriu Agrikultura no Peskas (MAP) ne’ebe propoin osan fini laiha balansu iha area Floresta ho peskas nian. 

“Hau rasik propoin halo proposta ida atu diminui osan ba sosa fini, iha ne’eba propoin U$3 miloens ne’e hau haree katak, tres miloens ne’e boot liu, ne’ebe mak la justu atu sosa fini,” Brigida ba Timor Post iha PN, segunda (11/2). 

Tan ne’e, nia parte hamutuk ho deputadu sira seluk proponents hato’o proposta ida ba komisaun Eventual hodi kontra osan fini ne’ebe Ministeriu Agrikultura no Peskas (MAP) propoin iha 2013. 

Nia hatutan, wainhira iha KE laiha konkordansia proposta ne’ebe sira hatama, nia parte ho opozisaun sei defende nafatin katak, fini tenki diminui hodi aloka fali osan ne’e ba fatin seluk, hanesan $1 milaun aloka fali ba Floresta no Peskas para iha balansu. 

“Agora osan barak liu maka sosa fini, agora fini ba Floresta no peskas laiha, ne’e laiha ona balansu,” nia lamenta. 

Enkuantu proposta ne’e deputadu ruma la konkorda, maka sei la pasa, maka sei fila mai iha plenaria para halo debate ida klean liu tan hafoin halo votasaun, maibe kuandu proposta ne’e pasa entaun la mai ona plenaria. 

,