“ChonocoPhilips Lori Timor Leste Ba Tribunal Singapura”

.

Jornal Nacional Diario - Tersa-Kalan, 05 Fevereiru 2013

Ministru Petroliu Rekursu Minarais (MPRM), Alfredo Pires, informa katak, kompania Chonoco Philips sei lori Timor Leste ba Tribunal Singapura relasiona ho kazu impostu ne’ebe sira (Conoco Philips) la selu ba Estadu Timor Leste.

“Sira mak lori ita, laos Estadu Timor Leste maka hatama iha Tribunal, Chonocophilips ba hatama iha Tribunal Dili, entaun ita tenki haree, no agora Chonicophilips mos lori ita ba Tribunal Singapura, tuir ita nia kontratus sira ne’ebe mak ita asina hateten, iha problema rum abele ba iha rai seluk atu diskuti,” sublinha Alfredo Pires ba Jornal, segunda (4/2) iha Parlamentu Nasional.

Atu responde ba kazu ne’e, Alfredo Pires dehan, oras ne’e dadauk nomea advogadu ida husi Timor Leste nian, ida husi advogadu Chonocophilips no nain rua seluk tenki hili terseira pesoal atu tesi lia.

“Agora dadaun ne’e ida-idak hili ninian, maibe ita sei deskute hela kona ba prezidenti ba ida ne’e, ita agora sei iha prosesu laran hela, ita hein katak konforme prosesu ne’e mak ita foin konkorda katak atu hetan terseiru pesoal, terseiru pesoal ne’e iha aftin ona mak ita foin konkorda katak atu hetan terseiru pesoal, terseiru pesoal ne’e iha fatin ona mak foin halo julgamentu ba prosesu tasa nian, liu-liu kona ba problema Chonoco Philips nian ba impostu ninian ne’e,” tenik nia.

Maibe Alfredo afirma, ida ne’e sei iha prosesu nia laran husi regras arbitrasaun singapura nian, Basa singapura mak sei fo naran no parte rua ne’e mak sei deskute kona ba asuntu ne’e.

 “Kazu balun sei iha ne’e hela, (Timor Leste), tanba kazu ne’e agora sei la’o hamutuk fatin rua, ida iha Dili nian, no ida seluk sei lori mos ba Singapura, dehan Alfredo. Alfredo Pires hatutan, prazu ba aktu diskute asuntu ne’e iha Tribunal Singapura sei halao iha fulan oin. Nide dehan, Governu laiha problema kona ba ida ne’e, tanba governu fiar katak,

TL iha pozisaun ne’ebe los hela kona-ba saida mak durante ne’e sira deve hela estadu. Alfredo Pires mos la sita kompania ConocoPhilips deve Estadu Timor Leste nia osan ho kuantidade hira.

,