Bispo Don Basilio: “Susesu V Governu Bloku Koligasaun 100 Dias Seidauk Haree Iha Parte Lorosa’e”

.

Notisia Husi TVTL - Kinta-Kalan, 31 Janeiru 2013 

Hata’an kona ba infraestrutura bazika, liu-liu kona ba Estrada ne’ebe sai preokupasaun ba komunidade tomak, Bispo Dioseze Baucau hatutan, ida ne’e mosu tanba dala barak emprejarius Timor oan ne’ebe hetan tenderizasaun la kumpri nia promesas sa tan falta de kontrolu husi Ministeriu kompotente. 

“Mai liur, governante sira keta hirus hau, mais mai liur hau seidauk haree buat ida, buat ne’ebe hori uluk nian, hau koalia fali ahi (eletrisidade) ita haree kuluna lubuk ida komesa barak ona dadaun, maibe prelumenus hau iha dioseze ne’e hau la’o fila-fila e hau seidauk haree buat ida ke bolu atensaun, se ita boot sira husu lisensa hau hamnasa oituan, fulan 3 liu ba emprejariu ida dehan, hau mak kaer fatin ida ne’e mai ida ne’e, hau la hatete naran, se la’e emprejariu ne’e bele senti aan, nia dehan hau mak luron husi fatin ida ne’e mai to’o Baucau, hau loron ne’e duni tanba servisu hau tenki bad uni fatin ne’e, ne’ebe hau hateten bah au nia kundutor dehan, agora luron diak ona it abele sai atrazadu mos laiha buat ida, tamba to’o ne’ebe tenki onze meia, ne’ebe hau kalkula ami ba oras 3 ho balun, mais husi baucau to’o fatin ne’ebe ohin temi ne’e, hau buka hela fatin ne’ebe atu hadia ne’e iha ne’ebe? Kuandu hau to’o los sub Distritu ne’e mak hau foin haree rai taka oituan mais iha loos foin sai husi vila, buat ne’e la’o fulan 3 tiha ona, ne’ebe hau hanoin halo alkatraun, amis lae? tau tiha rai deit mos lori tempu hanesan ne’e, ne’e duni atu dehan, konkursu sira ne’e ema lubuk ida mak manan, buat hirak ne’e hotu, agora, se manan tiha tender tanba sa buat hirak ne’e la la’o? ne’e duni atu dehan governu la halo buat ida iha 100 dias nia laran, hau la brani mos hateten hanesan ne’e, agora buat ne’ebeke rona dehan katak, iha 100 dias nia laran hahu halo ne’e, to’o agora hau seidauk haree buat ida, pelumenus iha Lorosa’e,” dehan Don Basilio. 

Bispo Dioseze baucau husu ba entidades tomak atu kontinua servisu ho estadu hodi aselera prosesu dezenvolvimentu iha rai laran ho responsablidade. 

.