“Asosiasaun Media TL La Menta Ho Deklarasaun MF Emilia Pires”

,

Notisia Husi TVTL - Sesta-Kalan, 08 Fevereiru 2013

Asosiasaun Media Timor Leste lamenta ho akuzasaun Ministra Financas Emilia Pires ne’ebe hateten, Jornalista sira la profisional, relasiona ho publikasaun media kona ba projeitu fornesementu kama ba Ospital Nasional ne’ebe deskonfia kaer husi kompania Ma’cs Metal Greet ne’ebe nia diretor maka Ministras Financas nia lain. 

 Iha konferensia da imprensa ne’e, reprejetante husi Asosiasaun Jornalista Timor Leste Pres Clup, AJTL no JJTL senti triste ho akuzasaun husi Ministra Financas ne’ebe hatudu iha uma fukun Parlamentu Nasional.

Tuir reprejetante Asosiasaun sira katak, akuzasaun ne’e hanesan fo presaun ba jornalista sira, profisaun Jornalista atu hato’o informasaun loloos ba publiku.

“Ministra nia deklarasaun dehan Jornalista inkapasidade, gosta halo manipulasaun, hatun ema seluk, relasiona ho kazu ne’ebe deskonfia Ministra Finansas Emilia Pires aprova osan ba projeitu hodi fo ba nia laen kaben, ne’e duni Timor Leste Press Clup no organizasaun jornalista seluk konsidera deklarasaun ne’e insulta boot no hatakasaun boot hasoru profesaun jornalista nian,” dehan Reprejetante Jornalista Iha Komprensa Imprensa sesta, (8/2).

Entertantu, Jornalista Tempo Semanal ne’ebe iha fulan Novembru tinan 2012 koko atu konfirma kazu fornesementu kama ne’ebe kaer husi kompania refere, maibe Ministra Emilia Pires rasik lakohi fo informasaun.

“Senora Ministra hatene ga la’e? Kompania Mac’s Metal ne’e nia nain mak se? Serake senora Ministra konese nain ba kompania ne’e ga la’e? Ne’e perguntas ba ita?

Tempo Semanal haruka antes hatun notisia, Tempo Semanal halo pedidu ba ona, liu husi telefone, ba diretamente gabinete Ministra ninian depois la konsege, haruka surat, pedido ofisial ba Ministra, fo direitu ba senora hodi responde Notisia ne’e,” dehan Jose Belo.

Jornalista Tempo Semanal mos senti duvida ho dokumentu ne’ebe iha tamba pedidu ba pagamentu projeitu nian halo iha fulan Marsu tinan kotuk, enkuantu kontratu hala’o iha fulan Abril tinan 2012.

“Iha dia 3 de fevereiru surat ida mai husi Ministeriu Saude ba senora Ministras Finansas atu disponibliza osamentu husi fundus kontijensia, rajaun katak, orasamentu iha Ministeriu Saude la to’o, depois de ida ne’e, dia 8 surat ida husi ministra Finansas hateten ba senora Vice Ministra da saude katak projeitu aprova tiha ona, osamentu disponibliza tiha ona, 24 de fevereiru 2012 hateten katak, iha kotasaun husi dokumentus ne’e hateten kotasaun ba item hamutuk lobuk ida ne’ebe mak hatama husi kompania Mac’s Metal, ninia diretor maka senora Ministra Finansas nia kaben rasik, tamba ne’e ohin hau dehan katak, se nia aprova tiha ona, prosesu pagamentu hatun tiha ona, maibe iha 21 maka hafoin surat ne’e ba Primeiru Ministru e surat mai husi Primeiru Ministrun nia gabinete hafoin kazu nenee iha 22, maibe kontratu seidauk asina, bazeia ba saida mak ita boot selu, hanesan Jornalista ita halo notisia para atu halo ema ne’ebe maka iha poder ne’e senti la seguru, ne’e maka jornalista loloos, jornalista laos halo notisia para ema senti konfortavel, jornalista nia serviso mak ne’e, sempre perguntas, perguntas e perguntas,” dehan tan Jose Belo.

Husi karta pedidu ne’ebe mai husi Ministeriu da saude hatudu katak, Ministeriu Presija de’it ekipamentu modealiu 2, kama set 2 no material konsumaveis ba serviso omedialis 2, maibe kompania ne’e fornese Item 17, hanesan kadeira roda, makina istrika roupa, makina fase roupa, meza, kama, eletrika atus ida (100), Radio komunikasaun, muskiteiru rihun ida (1000) no seluk tan.

 Projeitu fornesementu kama ne’e tama ba kategoria projeitu emerjensia maibe kama hirak ne’e rai hela iha armajen Hospital Nasional Guido Valadares, Dili no foin lalais ne’e mak distribui.

.