“Asanami ‘Lacak’ Funsionariu MAP Fo Lista Ba FRETILIN”

.

Mariano Asunami

Jornal Independente - Segunda-feira, 04 Fevereiru 2013 

Ministru Agrikultura no Peskas, Mariano Asanami Sabino kontinua lacak funsionariu MAP ne’ebe oferese dadus ezekusaun OJE MAP nian ba deputadu sira iha Parlamentu Nasional iha tinan kotuk. 

Antes ne’e, liu husi deklarasaun politika iha Parlamentu Nasional, Bancada FRETILIN identifika erru barak mosu iha prosesu aprovizionamentu ba projeitu balun ne’ebe identifika single source (entrega ba familia) ne’ebe dadus ne’e hetan husi dalan tikus. 

Asanami dehan, intensaun buka tuir funsionariu ne’e laos atu fo presaun ou sansaun ruma maibe atu hadia nia responsablidade, prestasaun servisu estadu atu servi ita nia povu. 

MAP labele hakiak kontinua hahalok sira hanesan ne’e, tanba sei estragus servisu administrasaun publiku. 

“Se deit (Funsionariu) mak halo hau dehan labele tan atu halo ita tenki ho dignu atu halo ita nia servisu ho diak, karik nia hetan apoiu politiku ruma liu husi kotu-kotuk, (jalan tikus), maibe tenki liu husi dalan legal no dignu,” hateten (MAP) Mariano Asanami Sabino iha Kuartel Jeneral F-FDTL Fatuhada, Sabadu (02/2). 

 “Hau nia servisu hakarak hadia nafatin hau nia funsionariu sira, tribunal justica mak sei tau matan baa mi hotu nia serviso,” tenik Asanami. 

Nune’e nia hateten, atu dezenvolve seitor agrikultura ho diak funsionariu publiku, politika nain sira no ema hotu tenki kolabora no servisu hamutuk. 

.