“Aimoruk Vitamina Pasiente Fase Ran Iha HNGV Mamuk”

.

Jornal Nacional Diario - Kinta-Feira, 14 Fevereiru 2013 

Stok Aimoruk Vitamina ba pasiente fase ran nian iha Hospital Nasional Guido Valadares (HNGV), laiha/mamuk halo pasiente balun tenki hetan moras anemia. 

Xefi Unidade Hemodialisia Otilia Florinda Belo hatete, aimoruk vitamina ne’ebe atu atende ba pasiente sira ne’ebe mak halo ona fase ran laiha, ho ida ne’e difikulta pasiente sira balun tenki hetan moras anemia (kuran darah merah). 

 “Ami iha Unidade hemodialisa ne’e la iha aimoruk vitamina ne’ebe maka bele aumenta fali pasiente sira nia ran mean (HB), wainhira sira halao ona fase ran hodi halo pasiente sira ne’e hetan tan moras anemia,” hatete Otelio Florinda. 

Alende Aimoruk Vitamina, nia mos sujere ba MS atu bele sosa tan makina fase ran nian ha’at ba HNGV, tanba makina ne’ebe oras ne’e dadaun iha la augenta, nune’e mos rajaun aumenta makina fase ran tanba, pasiente ne’ebe mak hetan moras epatetis B labele fase nia ran hamutuk ho pasiente sira seluk. 

Nia mos esklarese katak, razaun pasiente sira ne’ebe kona epatetis B dezloka ba Indonesia hodi fase ran tanba, makin ala to’o, nune’e mos nia husu ba MS atu aumenta tan doutor espesialista hemodialisa nian iha HNGV tanba oras ne’e sira iha deit nain 10.

.